Үстүбүздөгү жылдын башынан бери 67 адам сууга чөгүп каза тапкан

Үстүбүздөгү жылдын башынан бери 67 адам сууга чөгүп каза тапкан. Бул тууралуу бүгүн, 26-июлда өзгөчө кырдаалдар министри Кубатбек Боронов маалымат жыйынында билдирди.

Бороновдун айтымында, каза тапкандардын 57си акыркы эки айда сууга чөгүшкөн.

“Сууга чөгүп каза тапкандардын көпчүлүгү Чүй, Ош, Жалал-Абад облустарына туура келет. Кырсыктын келип чыгуусуна көп учурда адамдардын этиятсыздыгы себеп болууда. Ош шаарында болгон окуя буга мисал болот. Анда суунун жээгинде сүрөткө түшүп жаткан келин ташка тайгаланып сууга агып кеткен. Аны куткарам деп күйөөсү жана досу да сууга чөгүп кетишкен”, - деди Боронов.

Ошондой эле Өзгөчө кырдаалдар министри сууга чөгүүнүн алдын алуу боюнча да иштер жүрүп жатканына токтолду.

“Аймактарда сууга түшүүгө мүмкүн болгон жерлерде коркунучтарды жоюу боюнча иштер жүрүп жатат. Учурда Ысык-Көл облусундагы 64 пансионатта куткаруучу-суучулдар бар”, - деп кошумчалады ал.

Автор: Бекжан Рыскулов
Фото: Бекжан Рыскулов

12:16 26-07-2016

Жазылуу

РУБРИКАДАГЫ СОҢКУ КАБАРЛАР

15:59 2025-06-26 | Коом жана турмуш

Ош облусунун жетекчиси Ноокат–Кызыл-Кыя жолундагы оңдоо иштеринен кабар алды 34 0

15:46 2025-06-26 | Коом жана турмуш

Эртең Бишкектин айрым аймактарында суу өчүрүлөт 57 0

15:19 2025-06-26 | Түркүн дүйнө

"Интер" жана "Ривер Плейт" клубдарынын беттеши массалык мушташ менен аяктады (видео) 301 0

14:48 2025-06-26 | Түркүн дүйнө

Мессиге 98 жаштагы америкалык апа өзгөчө сунуш жасады (видео) 720 0

14:35 2025-06-26 | Коом жана турмуш

Оштогу “Кайырма” каналынын жээгин көрктөндүрүү иштери башталды 348 0

14:16 2025-06-26 | Бизнес-Инфо

MBANK жалган маалымат тууралуу эскертет 383 0

Архив

Комментарийлер (2)

madina.87

2016-07-26 12:37:45

Азыр баары эле интернет учун суротко тушуп,жанын да ойлошпойт экенда.
Андан сырткары мас абалында да сууга тушушот.
Жаш наристелерди да этият кылгылачы туугандар.

bakulya2015

2016-07-26 13:02:32

кудай сактасын

Комментарий калтыруу үчүн өз ысымыңыз менен кириңиз же каттоодон өтүңүз.