Канаданын соту "Кыргыз алтын" ишканасынын камактагы акцияларын бошотту

Канаданын соту "Кыргыз алтын" ишканасынын "Центерра Голд Инк." компаниясында камакта турган бардык акцияларын толугу менен бошотту. "Кыргыз алтын" ишканасынан 26-июлда кабарлашкандай, Канаданын Онтарио провинциясынын Жогорку Соту 20-июлда "Кыргыз алтындын" арызын, ошондой эле соттун 11-июлдагы чечимин карап чыгып, 11 миллион 253 655 акцияны жана төлөнө турган дивиденддерди бошотуу боюнча чечим кабыл алды.

"Кыргыз алтын" ишканасынын "Центерра Голд Инк." компаниясында камакта турган акциялары чектөөдөн бошотулду", - деп айтылат маалыматта.

Автор: Жамалидин Парманкулов