Казакстанда "терроризм жана экстремизмди пропагандалоого катышы бар" деп шектелген 94 сайт жабылды

Казакстанда "терроризм жана экстремизмди пропагандалоого катышы бар" деп шектелген 94 сайт жабылды. Бул тууралуу жергиликтүү маалымат булактары жазып чыгышты.

2016-жылы Астананын райондук сотуна жыйырмадай доо арыз түшкөн. Анда айрым чет өлкөлүк сайттарда жайгаштырылган материалдарды мыйзамсыз деп табуу жана аларды өлкө аймагына жайылтууга тыюу салуу өтүнүчү жазылган.

"Терроризм, экстремизм жана сепаратизмди үгүттөп, улуттук коопсуздукка коркунуч жараткан 94 сайт жабылды", - деп айтылат прокуратуранын билдирүүсүндө.

Автор: Акназар Сулайманкулов
Фото: Интернеттен алынды