ЭЛДИК КАБАР: Кадамжай районунун тургуну сабалып, майып болуп калды

Баткен облусунун Кадамжай районундагы Өрүкзар айылынын тургуну Нургазы Сарытаев 2016-жылдын 29-июнь күнү сабалып, учурда оор абалда ооруканада жатканын SUPER.KG порталына WhatsApp аркылуу бүгүн, 1-августта окурман кабарлады.

Окурман жабыр тарткан Нургазы Сарытаевдин кайрылуусун жиберип, маселенин тиешелүү жактарга жетишин суранган.

"Ал күнү үйгө келе жатсам, унаам жүрбөй калды. 2 сааттай унаамды оңдоого аракет кылдым, бирок жүргүзө албай койдум. Алдыда трактор турган экен, "унаамды тартышып кой" деп сурандым, алар мага жардам бербей, милиция кызматкерлерин чакыртышты. Милиция кызматкерлери мени унаасына салып кетишти. Унаанын ичинде милиция кызматкерлеринен Нарбото, Ильяз, Аслан бар болчу. Нарбото тээп, Ильяз менен Аслан кармап берди. Султан деген кызматкер "бул менин агам болот" деп ажыратты. Алар мени белгисиз караңгы жерге алып барышып, ичиме аябай катуу тебишти. Ошол учурда эсимден танып калыптырмын. Бир убакта эсиме келип көзүмдү ачсам, убактылуу кармоочу жайда жатыптырмын. Нарбото жездем менен агама "миң доллар алып келсеңер чыгарам" дептир. 5 миң сом алып келип беришкенде мени чыгарышты. Андан кийин Кадамжай райондук ооруканасына жатып калдым. Ичегилерим жарылып кеткен экен, операция жасашты. Медицина кызматкерлери ичимден 2 литрге жакын кан алышыптыр. Операциядан 4 саатта чыктым. 12 күн ооруканада жаттым. Ал жерде абалым оорлошуп, Ош облустук ооруканасына жиберишти. Ош облустук ооруканасынан 1,5 метрдей ичегимди кесишти. Азыр абалым өтө оор, үчүнчү жолку операцияга даярдап жатышат. Бул операцияга күчүм жетпей калышы мүмкүн экен. Менин жашагым келет! Мени уруп-сабаган 5 милиция кызматкерине мыйзам боюнча чара көрүлүүсүн суранам", - деп айтылат кайрылууда.

Окуя тууралуу Баткен облустук ички иштер башкармалыгына байланышканыбызда, бул факт боюнча Баткен облустук прокуратурасы тарабынан кылмыш иши козголгонун кабарлашты.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Үмүт Абдраимова

18:37 01-08-2016

Жазылуу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 722 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 100 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 560 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 1717 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 762 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1864 0

Архив

Комментарийлер (14)

KGstan1981

2016-08-01 18:46:50

Оооой кокуй Атамбаев бугун прес конференцияда интернет сайтарды окууп турам деп айты бул кабар Атамбаевке жетип калса милицияларга бир каттуу чара корсотот деп ишенем.

+10

Frunze74

2016-08-01 18:51:30

KGstan1981, интернет сайттарды окуганы чын болгондо эбак эле туура жыйынтык чыгармак. Ал айтканы лапшагон, айткандарынын 80-90% чындыкка жакындабайт. Эмне айтсам эле эл ишенет деп ойлойт окшойт.

+14

Frunze74

2016-08-01 18:48:38

Кандай кылмыш кылганда да милициялардын уруп-сабоого акысы жок болуучу само суд болуп. Менимче кызмат абалынан кыянаттык менен пайдаланганы жана адам омуруно залал келтиргени учун жогорудагы милиция кызматкерлери кызматынан биротоло ажыратылып, 1-2 жылдан камалуулары тийиш. Бул жагы "менин милициям мени коргойбу же кордойбу" дегенден болуптур...

+16

Online007

2016-08-01 19:47:56

Озунон да откон, жондон жон эле болбойт да. Бир колдон ун чыкпайт, эки колдон чыгат

-6

abusait

2016-08-01 23:13:11

Online007, Озунон откон болсо мыйзам гана
Жазалайт. Корунгон сабатсыз менти
Элди сабай берсе кандай мамлекет
болобуз.? Мындай тартип сактоочулар
бизге керек эмес.

Jyrgal_msk

2016-08-02 00:16:10

Online007,Алардын колунан куноосуз бир токмок жегенинде корот элем.Куноолуу болсон мейли,куноосу жок жаман арданасын. ХХХ ХХХ ХХХ

admin_portal

2016-08-02 10:26:30

Jyrgal_msk, провокациялык билдирүүлөрдү калтырууга тыюу салынат! Эскертүү!

vip.kg

2016-08-01 20:08:39

башы жок кызматкерлер, мен +100% милиция кыматкерлерине ишенбейм. алар каракчы эле болуп калды элди коргоштун ордуна элди кордоп журот эх эси жоктор, кудай буйруп министир болуп калсам ушуларга окшогон кызматтык алын кыяннатык менен пайдаланган адамдарды колум менен жаза берем соз!

+10

didu

2016-08-01 22:36:57

Ал иттердин арасынан жакшысыда чыгып калат.бирок каргалар чокушпайт

mikoo

2016-08-01 23:25:46

Трактор айдагандар эмнеге милицияны чакырат интересно..

mishonia8077

2016-08-02 01:02:41

Милициялар аман эле брлгула,алынар карапайым адамдарга эле жетет э.Кыйын экенсинер кармабайсынарбы коркунучтуу кылмышкерлерди. ХХХ

admin_portal

2016-08-02 10:23:08

mishonia8077, кимдир-бирөөнү мазактоодон алыс болууну сунуштайбыз!

lexus47

2016-08-02 09:45:55

Эээ бул жомоккгооо... Ошондо машинамды тартып кой дегени учун эле тиги тракторист милицияны чыкырдыбы? Анан алар жон эле сабап салды, а жабырлануучу эмнеге акча бер десе аларга жон эле 5000берди? озунун косягын жазбаптырго бул??? Чето нито...

zara__

2016-08-02 17:50:40

Супер кененирээк жазгыла ушул жонундо

Комментарий калтыруу үчүн өз ысымыңыз менен кириңиз же каттоодон өтүңүз.