Дыйкан Алишер Машанло жети жылдан бери дарбыз талаасында эмгектенип үй-бүлөсүн багат (фоторепортаж)

Кардар Кутман Жообасаров дарбыз тандоодо.

Дыйкан Алишер Машанлонун жубайы Фатима дарбыз сатып жатат.

Алишер Машанлонун үй-бүлөсү жашаган вагон

Машанлонун дыйканчылыкта минген унаасы

Дарбыздарды дарылаган дары чачкыч буюм

Берекесин берген күз айы улам жакындаган сайын мөмө-жемиштердин катары толукталып, калктын кампасы толот. Жазында маңдай тер төгүп эмгектенгендердин акыбети эми кайтарылып жатат.

Ысык-Ата районунун Бирлик айылынын жашоочусу Алишер Машанло жети жылдан бери дарбыз талаасында эмгектенип үй-бүлөсүн багып келет. Ал 37 жашта. Ысык-Ата районунда төрөлгөн. Анын 5 баласы бар. Жубайы Фатима менен кетмен чаап, 1 жарым гектар дарбыз, 1 гектар картошка жана 50 сотых жерге пияз айдаган.

"Быйыл дарбыздын баасы арзан болууда. Өткөн жылы бул убакта 1 килограмм дарбыздын баасы 10-15 сом болчу, азыркы күндө 4 сомдон сатып жатабыз. Мындай баа мээнетибизди актабай калып жатат, анткени дарбызды тигип, багып-өстүрүү чоң түйшүк", - дейт Машанло.

Бишкек-Кант унаа жолунда таштын үстүнө чака, анын үстүнө бир дарбыз коюлган дыйкандын бакчасына кардарлар тынымсыз келишет. Анткени жети жылдан бери бир орунда дыйканчылык кылып, кардарларды топтоп алган.

"Мен дайыма ушул жерден дарбыз сатып алам. Бул дыйкандын дарбыздары талаадан жаңы алынып келинген. Алишер мырза дарбыздарды унаага салып базарга алып барбайт. Анын дарбыздары күн ысыкта жол четинде турбайт. Ошондуктан ишенимдүү деп дайым жолдон өтүп баратып дарбыз ала кетем", - дейт Кутман Жообасаров.

Дыйкан көлөмү жагынан башкаларга окшобогон дарбыздын америкалык түрүн эккен. Ал дарбызды багып өстүрүү боюнча ой бөлүштү.

"Башка өсүмдүктөргө караганда өзгөчө кароону талап кылат. Дарбыз бир жылдык өсүмдүк болгондуктан, жаз алды менен жер айдап, арыгы чабылып, урук себилет. Урук ташталган жерди полиэтилен жылтырагы менен жаап чыгабыз. Бул аракет отоо чөптөрдүн чыгуусуна тоскоол болот жана урукту суук алып кетүүдөн сактайт. Уруктан дарбыз өнүп чыкканда полиэтилен жылтырагынын ошол жерин кичине тешип дарбыздын сабагын чыгарып коёбуз", - деп кошумчалады дыйкан Машанло.

Анын айтымында, дарбыздын жакшы бышканын куурап калган сабагынан билүүгө болот. Мындан сырткары бышкан дарбызды өңүнөн жана чертип көрүп чыккан үндөн билүүгө болот. Кээ бир дарбыздардын көлөмдүүсү 14 килограммга жетет.

Алишер Машанло жаз алды менен үй-бүлөсүн талаага алып келет. Дыйканчылык иштери башталгандан тарта жерди күндүр-түндүр кароого туура келет. Ал үчүн дөңгөлөктүү вагон алып келип койгон. Март айынан баштап кеч күзгө чейин талаадагы вагондо жашайт. Жашоо үчүн атайын шарт түзүп алган. Кадимки үйдө жашагандай тамак жасап, кир жууп жашоо өткөрөт.

Дыйкан: "Дунгандар дыйканчылыктан башка кесипти ойлобойбуз"

Автор: Акназар Сулайманкулов
Фото: Акназар Сулайманкулов

18:37 17-08-2016

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (6)

KaiMak

2016-08-17 18:41:19

базар жок... Полюбому дарбыз кымбаттайт эми ))))

jalalabad93

2016-08-17 18:49:10

Кыргызстандын дарбызын сагындым. Тандабай алсан да баары даамду

asad345

2016-08-17 18:51:27

Аллах дыйкандардын эмгектен тапкан каражатына береке бер, Креслодо отуруп озунун адамдарын бардык чон кызматка коюп, баш мыйзамды жыра тартып бузам деген "ажыдаарга" ынсап берегор

ERCHOROEV

2016-08-17 19:03:15

Мына адал оокат мына Кудайм суйгон мээнеткеч уй було. Кырманынарга береке. Адал тамак таап бала чакабызды адал тамак менен бакканды Кудайым насип кылсын АМИИН.

KGstan1981

2016-08-17 19:39:58

Козду куйдурбогулочу Кыргызстандын дарбызын сагынып кеттим мен Воркутадамын Тундук Муз океанга жакнын жердемин))))

Kroxa

2016-08-18 06:31:49

Ооба быйыл арзан эмгегин актабай калатго жумушу коп эмгекти талап кылат 6сомго тушуптур Караколдон алдым кечее Бишкекте 4 сом болсо:-):-):-)

Комментарий калтыруу үчүн өз ысымыңыз менен кириңиз же каттоодон өтүңүз.