Өткөн сутка ичинде өлкө аймагында 14 өрт кырсыгы катталды

Өткөн сутка ичинде өлкө аймагында 14 өрт кырсыгы катталды. Бул тууралуу бүгүн, 6-сентябрда Өзгөчө кырдаалдар министрлигинен билдиришти.

Маалыматка караганда, Бишкек шаарында 5, Чүй облусунда 4, Жалал-Абад облусунда 1, Ош облусунда 3, Баткен облусунда 1 өрт кырсыгы болгон.

Панфилов районундагы үйлөрдүн биринен өрт кырсыгы катталды. Анда Первомайское айылындагы турак жайдын короосунда жыйылган 600 түк чөп күйүп кеткен. Өрттүн келип чыгуусуна 5 жаштагы баланын от менен болгон шоктугу себеп болгон.

Автор: Мальвина Уметбекова