Башкы прокурор Аида Салянова коррупциянын деңгээли жогору болгон мекемелерди атады

Бүгүн, 16-апрелде ЖКда Координациялык кеңештин жыйынында башкы прокурор Аида Салянова Кыргызстандагы коррупциялык иштер көп катталган мекемелерди атады. Башкы прокурордун айтымында, 2012-жылы өлкөдөгү мекемелерде коррупциялык иштердин саны төмөндөгүдөй болгон.

Айыл өкмөттөрүндө - 253

Мэрия жана акимчиликтерде - 121

Билим берүү тармагында - 73

Ички иштер министрлигинде - 69

Мамлекеттик каттоо кызматында - 49

Саламаттыкты сактоо тармагында - 46

Салык кызматында - 40

Энергетика тармагында - 27

Транспорт жана байланыш тармагында - 26

“Биз чоң кызматтарда отурган аткаминерлердин да коррупциялык иштерге катыштыгы бар экендигин иликтеп жатабыз. Мисалы, депутаттар Нариман Түлеев жана Элмурат Обдуновго карата кылмыш иштери козголгон”,- деди Салянова.

Автор: Ширин Жумадилова