Жергиликтүү кеңештин депутаттарын шайлоо 11-декабрга дайындалды

Президент Алмазбек Атамбаев бүгүн, 10-октябрда "Кыргыз Республикасынын жергиликтүү кеңештеринин депутаттарын шайлоону дайындоо жөнүндө" жарлыкка кол койду. Ага ылайык:

Кыргыз Республикасынын жергиликтүү кеңештеринин депутаттарын шайлоо жекшембиге, 2016-жылдын 11-декабрына дайындалат.
Борбордук шайлоо комиссиясына жергиликтүү кеңешке шайлоону Кыргыз Республикасынын мыйзамдарына ылайык өткөрүү милдети жүктөлөт.
Өкмөт:

- шайлоо өткөрүү үчүн БШКнын чыгымдарынын сметасына ылайык керектүү акчаны бөлөт;

- шайлоону даярдоо жана өткөрүү учурунда мыйзамдуулукту, жарандардын укуктары менен эркиндиктерин, коомдук тартипти сактоону камсыз кылуу боюнча чараларды көрөт.

Жарлык расмий жарыяланган күндөн баштап күчүнө кирет.

Автор: Автандил Добулбеков