Роза Отунбаева Лондондо дүйнөдөгү курч маселелерди талкуулап жатат

Улуу Британиянын Лондон шаарында Кыргыз мамлекетинин экс-президенти Роза Отунбаева Эл аралык кризистик топтун жыйынына катышып жатат. Бул тууралуу "Роза Отунбаеванын демилгелери" фондунун басма сөз кызматы билдирди.

Маалыматка ылайык, иш-чарада дүйнөдөгү көйгөйлөр жана курч маселелер талкууланууда. "Эл аралык кризистик топ - бул бейөкмөт коммерциялык эмес уюм. Анын 40 мамлекетте өкүлчүлүктөрү бар. Бул топ согуш жана жаңжалдар болуп жаткан жерлерде жүргүзгөн изилдөөлөрдүн негизинде материалдарды даярдап, акыркы 20 жылдын ичинде бардык өлкөлөрдүн өкмөттөрүн, дүйнө коомчулугун кабардар кылып келет", - деп айтылат маалыматта.

Автор: Нургазы Аматов