Сооронбай Жээнбеков Германиянын азык-түлүк жана айыл чарба министри менен жолугушту

Премьер-министр Сооронбай Жээнбеков 15-октябрда Германиянын азык-түлүк жана айыл чарба федералдык министри Кристиан Шмидт менен жолугушту. Кыргыз өкмөтү эки тараптуу кызматташууну өнүктүрүүгө кызыкдар экенин билдирген премьер: "Биздин өлкөлөр ортосундагы достук мамилелер кызматташууну өнүктүрүү үчүн негиз болуп берет. Биз Германия тараптан дээрлик бардык багыт боюнча көрсөтүлүп жаткан колдоону жана көмөктү жогору баалайбыз", - деди.

Шмидт кыргыз мамлекетинин айыл чарба тармагындагы чоң мүмкүндүктөрүн белгиледи. Ал айыл чарба продукциясын жакынкы жана алыскы чет өлкөлөргө толук кандуу экспорттоо үчүн өлкөдөгү тийиштүү инфрастуктураны өнүктүрүү зарылдыгын айтты.

Автор: Автандил Добулбеков