Бишкекте зордуктоо кылмышына шектелип Алтынбек аттуу жаран кармалды

Бишкек шаарында зордуктоо кылмышы боюнча шектелип, Т.Алтынбек аттуу жаран кармалды. Бишкек шаардык ИИББинин маалымат кызматы кабарлагандай, ал "28 жаштагы айымды күчкө салып зордуктаган" деп күнөөлөнүп жатат. Болуп өткөн окуя тууралуу Н.Айнура аттуу жабырлануучу милицияга арыз менен кайрылып, 16-апрель күнү саат 21:00 чамасында Ак-Босого жаңы конушунан бейтааныш бирөө зордуктаганын айткан. Арыздын негизинде Бишкек ШИИБинин кызматкерлери кылмышка шектүүнү кармашты. Учурда тергөө иштери жүрүүдө.

Автор: Ширин Турдакунова