Президент Алмазбек Атамбаев парламентти Жогорку Соттун Конституциялык палатасын тезирээк калыптандырууга чакырды

Президент Алмазбек Атамбаев КРнын Сотторду тандоо Кеңешинин сунушу боюнча материалдарды карап чыгып, ошондой эле талапкерлер менен жолугушуунун жыйынтыгынын негизинде Кеңеш сунуштаган бардык 6 талапкерлерге макулдугун билдирүү тууралуу чечим кабыл алды. Өлкө башчы КРнын Жогорку Сотунун Конституциялык палатасынын судьяларын кызмат ордуна шайлоо үчүн төмөндөгү талапкерлерди сунуш кылды:

Чынара Айдарбекова - КРнын Юстиция министрлигинин ченемдик-укуктук актылардын долбоорлорун иштеп чыгуу жана мыйзам долбоорлорун экспертизалоо боюнча башкы башкармалыгынын зардалы.

Жумадил Макешов - убактылуу КРнын Башкы прокуратурасынын кадрларынын карамагында турат.

Айсалкын Нарынбекова - Баткен облустук сотунун төрагасынын орун басары.

Чолпон Осмонова - Чүй облусунун Аламүдүн райондук сотунун судьясы.

Жедигер Саалаев - КРнын Президентинин аппаратынын маалыматтык саясат бөлүмүнүн талдоо иштер секторунун эксперти,

Нурлан Садыков - "Конституциялык саясат институту" коомдук бирикмесинин директору.

Автор: Ширин Турдакунова