Кара-Суу районунун билим берүү бөлүмү: "Кожокелең айылында окуучулар авариялык абалдагы мектепте окуп жатышат"

Ош облусунун Кара-Суу районуна караштуу Кожокелең айылында окуучулар авариялык абалдагы мектепте окуп жатышат. Бул тууралуу бүгүн, 3-ноябрда SUPER.KG порталына Кара-Суу райондук билим берүү бөлүмүнүн башкы адиси Сүйүнбай Исаков билдирди.

"Мектеп 2015-жылдын 17-ноябрындагы катуу жер титирөөдөн улам авариялык абалга келген. Өзгөчө кырдаалдар министрлиги, Курулуш департаменти, Экологиялык-техникалык инспекция кызматтары карап чыгып, "окууга мүмкүн эмес" деп тыянак чыгарышкан. Мындан улам окуучулар үйлөрдө, боз үйдө окуп келишти. Азыркы убакта жогорудагыдай шартта билим алууга болбой калды, анткени аба ырайы суук болуп кетти. Ошондуктан жергиликтүү бийлик, райондук билим берүү бөлүмү, айыл өкмөт жетекчилиги чечим кабыл алып, окуучуларды авариялык абалдагы мектепке киргизишкен. Алар анчалык коркунучтуу эмес деген чечим кабыл алышкан", - деп билдирди Исаков.

Маалыматка ылайык, кулап калуу коркунучунда турган билимканада 294 окуучу окуйт. Жаан жааган учурда дене тарбия сабагы өтүлбөйт, анткени мектептин спорттук залы жок. Бүгүнкү күндө Кара-Суу районунда 131 мектеп бар.

"Буга чейин республикалык бюджеттин эсебинен мектептин пайдубалы салынган. Азыр эми каражаттын жоктугунан курулуш токтоп турат. 2016-окуу жылында 7 мектептин курулушу бүтүп, пайдаланууга берилет", - деп кошумчалады Исаков.

Автор: Акназар Сулайманкулов

12:33 03-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 455 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 317 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 236 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 336 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 868 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 418 0

Архив

Комментарийлер (2)

Revolyutsiya

2016-11-03 14:44:22

Ошол кыйынчылыктарды баштан откоруп суукта, анан да бугун-эртен кулайт деген мектепте окуган окуучулар менен алардын мугалимдеринин убалы бийликти уктатпасын. Кочмондор оюнуна сапырып 3-5 кундо жеп-ичкен акчага жуздой мектеп салынып бутуп кетмек экен... Ошондо айткам, той-тамашаны жыйыштырып мектеп, бала-бакча,оорукана курууга жумшайлы деп... Президент, министр-депутаттарды ушундай жерде иштоого мажбурлаганда гана башынан отуп тушунушот мугалимдер кандай шартта иштеп жатканын...

Revolyutsiya

2016-11-03 14:48:33

Дагы кресло, планшет, душевая кабина ж.б.талап кылышат кыйратып жатышкансып 120 депутат. Ачыгын айтканда ошол 120 депутатка караганда 120 мугалим Мекен учун, эл учун кобуроок эмгек синируудо.

Эгер эртен кокустук болуп окуучулар же мугалимдерден жабыркоочулар болсо бугунку бийликтегилер баары, президент, Окмот, 120 депутат жооп берууго тийиш, мектептин акчасын жеп алып адам омурун тобокелге салып ойногон... Айтпады дебегиле!!!!!!!

Комментарий калтыруу үчүн өз ысымыңыз менен кириңиз же каттоодон өтүңүз.