Нарын шаарында 40 жаштагы ден соолугунун мүмкүнчүлүгү чектелүү аялга эл жана кайрымдуу адамдар үй салып беришти

Нарын шаарында ден соолугунун мүмкүнчүлүгү чектелген Жаркынай Ташикеевага үй салынып берилди. Ал 1-топтогу майып, тубаса бир кулагы укпайт жана бир көзү көрбөйт. Ошентсе да түймө түйүп, курак курайт.

"Күн чырагы" ден соолугунун мүмкүнчүлүгү чектелген жарандардын коомдук бирикмесинин жетекчиси Шакен Жакыева Ж.Ташикееванын үйлүү болуп калышы кандайча ишке ашканын айтып берди.

”Жаркынай Ташикееванын ата-энеси каза болуп калган. Кийин ден соолугунун мүмкүнчүлүгү чектелген адамга турмушка чыгып, 1 кыздуу болгон. Кызы да каза болуп калды. Күйөөсү экөө 4 жыл батирде турушуп, кийин ал батирди ээси сатып жибергендиктен жашаганга жери жок калышкан. 2012-жылы чуркап жүрүп мамлекеттен жер алып бергенбиз, өткөн жылы үйдүн пайдубалы куюлду. Быйыл кандай кылып салабыз деп айлабыз кетип, “Кайрымдуу бол” деген үкөк уюштурдук. Жергиликтүү бийликке, мэрияга, шаардык депутаттардын төрагасына, мекеме-ишканаларга, атуулдарга кайрылып отуруп 3 айда 70 миң сом чогулттук. Анан үйдү салып баштадык, күйөөсү болсо курулуш башталганда эле кетип калды.

70 миң сомго үй салуу деген азыркы заманда адам ишене турган сөз эмес дечи. Эшик-терезелердин кашектерин, курулуш материалдарынын бир тобун элден чогулттук. Карапайым эл, кайрымдуу адамдар колдон-буттан алып жардам берип жиберишти”.

Ш.Жакыева маалымдагандай, Жаркынай Ташикеева 40 жашта. Ал 14 жылдан бери аталган коомдо мүчөлүктө турат. Жаңы салынган үй 3 бөлмөлүү. Үйдү жылуулук жана электр энергиясы, суу, телефон сыяктуу зарылчылыктар менен камсыз кылуу маселелерин жергиликтүү бийлик чечип берген.

Автор: Айсара Тыналы кызы
Фото: Шакен Жакыева

17:14 04-11-2016

Жазылуу

РУБРИКАДАГЫ СОҢКУ КАБАРЛАР

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 406 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 305 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 420 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 1057 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 489 0

22:31 2025-05-13 | Түркүн дүйнө

"15 жылдан 50 жылга чейин". Америкалык рэпер P.Diddy'ге карата сот иши башталды 678 0

Архив

Комментарийлер (9)

Zhannarbek

2016-11-04 17:23:12

Алла ыраазы болсун!

+15

Revolyutsiya

2016-11-04 17:35:08

Элден айланса болот...

+10

sarbo

2016-11-04 17:39:01

Аллах бооуркер инсандардан ыраазы болсун. Ушундай боорукерликтен чондорубуздун баарына насип этсин. Оомин!!!

+11

moskoy

2016-11-04 23:28:55

sarbo,чондорго алар омур бою тойбойт ал эми муфтият жергиликтуу мечеттер жума сайын сайын садага секет чогулултуп эле жатат ал кайда кетип жатат деги бей бечерага жумшалды дегенди уккан жокпус.

-3

Djal1987

2016-11-07 20:07:00

moskoy,туура айьасыз

kirgizstan

2016-11-04 17:54:48

Азаматтар бар болгула . силерге кудайдан жакшылыктар кайтсын ылайым

take220281

2016-11-04 17:58:02

Ар бири чыныгы патриот!!! колдору дарт көрбөсүн!!!

+16

mishonia8077

2016-11-04 18:25:24

Иий аябай жакшы болуптур эми документтерин тууралап беришсе экен.

kochkor.siti

2016-11-05 01:02:14

Алла ыраазы болсун жердештер

Комментарий калтыруу үчүн өз ысымыңыз менен кириңиз же каттоодон өтүңүз.