Бишкекте 41 жаштагы жаран баңгизат менен кармалды

Бишкекте 41 жаштагы жаран баңгизат менен кармалды. Бул тууралуу бүгүн, 9-ноябрда Бишкек шаардык ички иштер башкы башкармалыгынан билдиришти.

Маалыматка ылайык, Бишкек шаарынын Свердлов районунун ички иштер башкармалыгынын баңгизаттарды мыйзамсыз жүгүртүүгө каршы күрөшүү бөлүмүнүн ыкчам кызматкерлери тарабынан 7-ноябрь күнү саат 19:30 чамасында Абдрахманов-Бөкөнбаев көчөлөрүнүн кесилишинен шектүү жаран токтотулган. Өздүк тинтүү иштерин жүргүзүү маалында Бишкек шаарынын 41 жаштагы Т.К. аттуу тургунунун чөнтөгүнөн целлофанга оролгон гашиш табылган. Учурда аталган жаран Бишкек ШИИББинин убактылуу кармоочу жайына киргизилип, тергөө амалдары жүрүүдө.

Автор: Мальвина Уметбекова