Бишкекте акыйкат издеген жаран митингге жалгыз чыкты

"Сооронбай Жээнбеков, укугум тебеленип жатат, үнүмдү ук" деп арыз-муңдуу сөзү жазылган плакатын көтөргөн Тогуз-Торо районунун Атай айыл аймагынын тургуну Элтынды Орозуматов Бишкекке акыйкаттык издеп келгенин айтат. Ал коалиция тарап кеткенин угуп, бир нече күн күтүп, бүгүн, 11-ноябрда Өкмөт үйүнүн алдына митингге жалгыз чыккан. Орозуматов 2 жыл мурунку окуяны көзүнө жаш алып айтып берди.

"Айылыбыздагы бала бакчанын жетекчиси мыйзамсыз аракеттерди көрүп, бөлүнгөн каражаттарды жеп койгонун жергиликтүү Улуттук коопсуздук кызматынын кызматкерлерине айтып бергем. Ал үчүн бала бакчанын жетекчисинин күйөөсү мени уруп, колумду сындырып салган. Ошол жаңжалда мен аны чыбык менен чапкан элем. Эки тарап тең арыз жазганбыз. Жыйынтыгында акчасы бар адам акталып, мен күнөөлүү болуп жатам", - деди Орозуматов.

Маалыматка ылайык, митингге чыгып акыйкат издеген аксакал 63 жашта. Анын акыйкат издеп жатканына 2 жыл болгон. Буга чейин 2015-жылы 20-майда экс-премьер-министр Темир Сариевге жазылган арызы каралбай, жыйынтык чыкпаганын айтат.

"Бишкекке келгениме 15 күн болду. Коалиция тарап кеткенин теледен көрүп бир жаңсыл болсун деп, баламдын үйүндө күтүп жаттым. Кыргыз бийлигинен акыйкат издеген адамдар аябай көбөйүп кетти. Ички иштер министрлиги, соттор ишенимден кетип, жемкорлукка байланып калышыптыр. Тогуз-Торо райондук соту, Сузак райондук соту, ошондой эле Жалал-Абад облустук соту ишти карап, акыйкат чечим чыгарышкан жок. Былтыртан бери кайрылбаган жерим калбады. Жалгыз ишенерим Жээнбеков болуп калды", - деп кошумчалады Орозуматов.

Элтынды Орозуматов акыйкат чечим чыкмайынча күн сайын митингге чыга берерин айтты.

Автор: Акназар Сулайманкулов
Фото: Акназар Сулайманкулов

20:03 11-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (10)

oroskulov1988

2016-11-11 20:33:40

мен бул ата менен бугун суйлоштум ачу чындык

+21

BlackMan

2016-11-11 23:35:40

oroskulov1988,не жөнүндө сүйлөштүңөр

-4

Beka.kaba

2016-11-11 21:32:20

Менин айылымдагы окуя турбайбы

-7

adyl.xxxxx

2016-11-11 22:06:00

Жок издеп чыгыптыр табалаар бекен...

+10

chynara-84

2016-11-12 02:21:57

Сузактын соттору ото начар иштешет.Акыйкат деген жок,чындыгында.

Eka.

2016-11-12 11:27:57

chynara-84,бүт эле жактын сотттору ошондой

zarlyk2211

2016-11-12 02:59:44

Бул аксакалды Өзгөн шаарында сүйлөп жатканын интернеттен көргөн элем. Бул болгон ишин акыйкат тергеп беришсин эми.

+10

Bekish-kg

2016-11-12 10:23:30

ооба,сооронбай сизди карайын деп эле турат.Аксакал сизге,бизге окшогон алсыздар,акчасыздарды мамлекет эч качан коргобойт!ошол сизди урган адам мээси тонуп калган адам экен!кудайга салын баарын,кудайга.Же озунуз окум чыгарын ал адамдын устунон,ошондо сооронбайларга жететип барат.

elmurat.kg

2016-11-12 21:07:44

акыр заман келгенде кудай жерден 10нерсени алат делинген.алардын арасында акыйкатчылык, адилеттулукту алат деген.

munduz2016

2016-11-13 20:27:42

Чындыкты табалаар бекенсиз эми,аксакал.

Комментарий калтыруу үчүн өз ысымыңыз менен кириңиз же каттоодон өтүңүз.