Соң-Көл жайлоосунда мыйзамсыз балык уулоого колдонулган буюмдар табылды

Соң-Көл жайлоосунда балык уулоого керектелүүчү буюмдар табылды. Бул тууралуу бүгүн, 14-ноябрда Мамлекеттик экологиялык жана техникалык коопсуздук кызматынын басма сөз катчылыгынан билдиришти.

"Атайын жүргүзүлгөн рейддин алкагында Соң-Көл жайлоосундагы Таш-Дөбө аймагында боз үйдө жашап жаткан Т.У. аттуу тургундун турак жайынан балык кармоочу торлор, кайыктын кыймылдаткыч мотору табылган. Ошол эле аймактан көлдүн жээгинен ээси жок кайык табылган. Аңчылыкка шектелген жарандын жанынан табылган балык кармоочу тор жана мотордун документтери болгон эмес", - деп билдирди басма сөз кызматы.

Маалыматка ылайык, алынган буюмдар Кочкор-Жумгал райондору боюнча Экологиялык жана техникалык коопсуздук башкармалыгына алынып келинген.

Балык уулоо жана андагы табылган буюмдар боюнча Кочкор-Жумгал райондору боюнча Экологиялык жана техникалык коопсуздук башкармалыгынын башчысы Сайранбек Жумаевге байланыштык. Ал өз сөзүндө: "Акыркы убактарда Соң-Көлдө балыктардын саны азайып кеткен. Мындан улам 2008-жылы беш жылга балык уулоого мораторий жарыяланган, бирок бүгүнкү күнгө чейин мораторий алына элек. Учурда көлдө балыктын 3 түрү бар. 15-20 жыл мурдагыдай 10-12 килограммдык балыктар жок болуп кетти. Ал эми кармалган жарандын ишин жергиликтүү укук коргоо кызматына өткөрүп бердик", - деп билдирди ал.

Маалым болгондой, Соң-Көл аймагынан балык уулап кармалгандар үчүн бир балыкка 1100 сом доо коюу каралган.

Автор: Акназар Сулайманкулов
Фото: Экотехинспекциясынын басма сөз кызматы

13:04 14-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (1)

Beksultan-007

2016-11-15 09:03:13

1 балыка 1100 сом штраф болсо,кайык менен торго кандай штраф болот. Бир аз шашпай с поличным кармасанар болмок. Же азайган балыктардын баарын толотосунорбу?

Комментарий калтыруу үчүн өз ысымыңыз менен кириңиз же каттоодон өтүңүз.