ЖЫЛНААМА, 17-НОЯБРЬ: 1906-жылы япониялык инженер, "Honda" компаниясынын негиздөөчүсү Соитиро Хонда туулган

1906-жылы 17-ноябрда япониялык инженер, "Honda" компаниясынын негиздөөчүсү Соитиро Хонда туулган.

Ал Япониянын Хамаматсу деген агрардык провинциясында кедей темир устанын үй-бүлөсүндө төрөлгөн. Соитиро Хонда 8-классты аяктап, Токио шаарына аттанган. Борбордо 6 жыл машина оңдоочу жайда үйрөнчүк болуп иштеп, чогулткан акчасына өзүнүн кичи мекенинде машина оңдоочу жай ачып, чоң бизнеске кадам таштаган.

Анын “Хонда” жеке ишканасы орто оокаттуу жарандарга багытталып, эркектерге да, аялдарга да ыңгайлуу болгон. 1945-жылы Японияда болгон катуу жер титирөөдөн улам бардык нерсесинен кол жууп калса да, өжөрлүгүнүн, эмгекчилдигинин арты менен кайра бутуна турган. Ал эми 1948-жылы белгилүү "Honda" компаниясын негиздеген. 1960-жылдары анын ишканасы чыгарган мотоциклдер дүйнөлүк рыноктогу мотоциклдердин 60 пайызын түзгөн. 1980-жылдын башында Хонда машиналары Японияда 3-орунда болсо, 1990-жылдардын башында машина чыгаруу боюнча дүйнөдө 3-орунду ээлеген.

Ал “АКШда япондуктардыкындай сапаттуу машина чыгаруу мүмкүн эмес” деген мифти жокко чыгарууга жетишкен. Анткени 1970-жылы АКШнын Огайо штатынын Мериссвиле шаарында завод курган. Заводдон сапаты жагынан Японияда чыгарылгандардан кем калбаган жаңы Хонда Аккорд машинасын чыгарып, сатыкка койгон. 1980-жылдары бул машина АКШда эң көп сатылып, 1990-жылдары да популярдуулугун сактап турган. Соитиро Хонда АКШнын машина куруу индустриясынын эң татыктууларынын катарына кирген алгачкы япондук болуп кала алган.

XX кылымдын эң көрүнүктүү инноваторлорунун бири Соитиро Хонда 1991-жылдын 5-августунда 84 жашында Токиодо дүйнөдөн кайткан.

17-ноябрга карата жылнаама.

Автор: Саадат Токтоболот кызы

11:04 17-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (3)

Oylonkyrgyzym

2016-11-17 11:11:41

Мага Хонда үлгүсүндөгү машиналардын баары жагат.
Бардык жагы конфорт.

Patriot..kg

2016-11-17 11:35:41

Honda accord 7 кыялымдагы машина
Буйруса ушундай машине алам

Kroxa

2016-11-17 12:30:21

Биздин машинабыз да Honda Myougen ,соонун машина 3 жылдан ашты эч проблема жарата элек,,кудайга шугур эн бышык машина,,алыс жолго чыкканда да конулдогудой барып келебиз...

Комментарий калтыруу үчүн өз ысымыңыз менен кириңиз же каттоодон өтүңүз.