Бишкекте таксисттин өлүмүнө шектелген жаран: "200 сомдун айынан айдоочу экөөбүз мушташа кетип, аны отвёртка менен сайып салгам"

16-ноябрдан 17-ноябрга караган түнү Бишкекте адам өлтүрүү фактысы катталды. Бул кылмышка шектүү катары 1997-жылы туулган Жалал-Абад облусунун Бакыт Тургунбаев аттуу тургуну кармалды. Анын айтымында, “Ош базарынан” Дордой жаңы конушуна 200 сомго такси жалдап барган. Белгиленген жерге жеткенде дос баласынан акча чыкпай калып, анан айдоочу менен уруша кеткен.

“Адам өлтүрөйүн деген жаман оюм жок болчу. Жакшы эле ниетте айдатып баргам. Дос балам акча таап берем деген болчу, бирок андан акча чыкпай калды. Ошондо таксист дос балдарына телефон чала баштады. Анан экөөбүз мушташа кеттик. Бир маалда колума отвёртка илинип, ошо менен таксистти моюн тарапка сайып жибергем. Кийин муунта баштаганымда ал “акчаң жок болсо ачык эле айтпайт белең” деди. Эс-учун жоготуп койгонунан “Дордой” базары жактагы мүрзөгө таштап кетип калгам”, - дейт кылмышка шектүү Бакыт Тургунбаев.

Учурда “адам өлтүрүү” беренеси менен кылмыш иши козголуп, тергөө амалдары жүрүп жатат. Свердлов РИИБинин тергөөчүсү Гүлдана Жардабарова буларга токтолду: “17-ноябрга караган түнү Бишкек шаарынын Свердлов РИИБинин нөөмөт бөлүмүнө адамдын жансыз денеси табылганы тууралуу маалымат келип түшкөн. Окуя болгон жерге ыкчам топ барып, маркумдун 1992-жылы туулган Жалал-Абад облусунун тургуну А.Н. экенин аныктаган”.

Кылмышка шектүү 1997-жылы туулган Бакыт Тургунбаев ошол эле түнү Бишкек ШИИББинин Патрулдук милиция башкармалыгынын кызматкерлери тарабынан кармалды.

“Гагарин көчөсүндө баратканыбызда Хонда Фит унаасы оң жагыбыздан ашып өтүп кетти. Ошол учурда алдынкы оң капталындагы сүзүлгөн жерди байкап калдык. Аны токтотууга аракет жасадык, бирок ал бизге баш ийбей 300 метрдей барып токтоду. Айдоочудан унаанын документтерин, күбөлүгүн сурадык. Ал тиешелүү документтердин бирин да көрсөтө алган жок. Анын кийимдери жана унаанын ичи кан экенин байкап, эмне болгонун сурасак, “балдар менен мушташа кеттим” деп жооп берди. "Жүрү ошол жерге баралы" деп Кулиев менен Рыскулов көчөлөрүнүн кесилишине барганыбызда, “байкелер, эми чынын айтайын” деп акча жоктугунан таксистти отвёртка менен сайып, аны "Дордой" базары жактагы мүрзөгө таштап салганын билдирди”, - дейт Патрулдук милиция башкармалыгынын инспектору Шайлоо Абдиев.

Таксистти отвёртка менен сайып өлтүргөн кылмышка шектүүнүн көрсөтмөсү

Автор: Бекжан Рыскулов
Фото: Бекжан Рыскулов

12:35 17-11-2016

Жазылуу

РУБРИКАДАГЫ СОҢКУ КАБАРЛАР

00:19 2025-06-24 | Түркүн дүйнө

Мирзиёевдин кызы президенттин администрациясын жетектемей болду 486 0

00:03 2025-06-24 | Түркүн дүйнө

The New York Times: Иран Катарга аба соккусу жөнүндө алдын ала эскерткен 768 0

23:45 2025-06-23 | Коом жана турмуш

24-июнга карата аба ырайы 231 0

23:24 2025-06-23 | Түркүн дүйнө

Иран АКШнын Катардагы аскердик базасына чабуул жасады (видео) 1560 0

23:08 2025-06-23 | Түркүн дүйнө

НАТО АКШнын Иранга жасаган чабуулу эл аралык укукту бузбаганын билдирди 791 0

22:36 2025-06-23 | Түркүн дүйнө

Укол сайышкан. Франциядагы фестивалда көрүүчүлөргө кол салуу болду(видео) 902 0

Архив

Комментарийлер (21)

12.12.12

2016-11-17 13:03:50

Эх, эптеп нан табам деп жургон бироонун баласы каза болду. Акчан жок болсо жоо барбайт беле!!!

+15

sultan89

2016-11-17 13:13:19

12.12.12,

-4

Medina87

2016-11-17 13:11:23

Подставабы деп ойлосом бул жигит чын эле олтургон турбайбы.
Жазасын алсын!

dina1983-19

2016-11-17 13:14:38

Акылың менен иш кыл.

sultan89

2016-11-17 13:14:42

ехх аттин
еки жуз сом учун бир адамдын омуру кыйылды
жаткан жери бейиш болсун
жакындарына сабыр тилейли

Rifle_I

2016-11-17 14:32:35

200 сом үчүн тиги баланын да жашоосу сынды.

akil.91

2016-11-17 13:15:08

Электронический аппарат койушсун таксилерге озу эсептеп чыгат баасын километрине карап. Шофер да клиент да эчнерсе дебейт ошондо.

-7

aseras

2016-11-17 13:25:19

akil.91,апарат койсон койбосон клиенттин акчасы жок экен.Теманы окусаныз жакшылап

+17

akil.91

2016-11-17 13:16:28

Мен да кызык кайдагы аппарат болмок эле биздин бул чиновниктер менен.

dina1983-19

2016-11-17 13:18:15

Закондун жоктугу мына ушундайларга алып барат чоңдор соттор көп көп арам акча жегиле силердин арам жегениңер бей бечарага тийип жатат. Соттор арам акча албай адилеттүү чечим чыгарса ушундайлар азайат элего.

+10

palina

2016-11-17 13:49:00

Байкуш таксисттин акыркы созу"акчан жок болсо ачык эле айтпайт белен"болуптурда..((

+13

jay

2016-11-17 14:23:32

Адамдар эмне болуп баратат... Дагы бир эне сыздап кала берди.

mambo-1984

2016-11-17 15:14:13

байкуш таксист жаткан жери жайлу болсун ата энеси туугандары кайрат кылгыла а жанагы бала жакшылык корбосун.

leilek_suluktu

2016-11-17 15:39:46

отверканы кайдан алдын.

chon.alai.

2016-11-17 16:09:40

ХХХ

-1

admin_portal

2016-11-17 16:47:20

chon.alai., Порталга адепсиз, уят сөздөрдү камтыган билдирүүлөрдү калтырууга тыюу салынат! Эскертүү!

-3

ulukbek8990

2016-11-17 19:16:32

Мухаммед САВ дын уммоту кайда эле баратабыз 200сом учун бири омурунон экинчиси эркиндигинен ажырап олтурат бул да болсо кыяматтын белгиси

dosym

2016-11-17 20:03:12

Адам өлтүрүү оңой болуп кетти го акыркы күндөрү, не болду адамдарга, же бул ушундай жугуштуу оорубу

-2

jazmina909090

2016-11-18 10:42:15

Акыркы күндөрү өлүм житим көп болуп жатат.Жапжаш туруп нервныйлар өзүн башкаралбай калгандар чекеден чыгат.Жапжаш туруп азыртадан ушундай иштерди кылат кийинки турмушун ойлоп иш кылыш керек.

Комментарий калтыруу үчүн өз ысымыңыз менен кириңиз же каттоодон өтүңүз.