Кыргыз өлкөсүндө күн сайын жол кырсыгынан үчтөн ашык адам каза табат

Жыл сайын ноябрь айынын үчүнчү жекшембисинде бүткүл дүйнөдө Жол кырсыгында курман болгондорду эскерүү күнү белгиленет. Бул күнгө карата бүгүн, 18-ноябрда борбор калаадагы "Жеңиш" аянтында жол кырсыгында курман болгондор эскерилди. Иш-чарага жогорку окуу жайдын студенттери, Саламаттыкты сактоо министрлигинин кызматкерлери, милиция кызматкерлери, медиа өкүлдөрү катышышты.

Иш-чаранын максаты, өлкөдөгү жол кырсыктарынын келип чыгуу себептери тууралуу "Жол коопсуздугу" коомдук уюмунун башчысы Чынара Касмамбетова буларга токтолду: "Иш-чаранын максаты - жол кырсыгынан келип чыккан көйгөйлөргө коомчулуктун көңүлүн буруу, анткени биздин өлкөдө жол кырсыгынан каза болгондордун саны өтө көп. Бир жылда миңден ашуун адам каза болуп, 10 миңден ашууну жаракат алат. Бул күн сайын үчтөн ашык адам көз жумууда дегенди билдирет. Өкмөт үчүн, адамдар үчүн бул чоң жоготуу. Канча адам жаракат алып, каржылык, моралдык жактан зыян тартып жатат. Андыктан бул нерсеге бийлик, адамдар тарабынан көп көңүл бурулушу зарыл".

Ошондой эле жол кырсыктары айдоочулардын, жөө жүрүүчүлөрдүн маданияты төмөндүгүнөн жана тартиптин жоктугунан жаралып жатканын кошумчалады.

"Текшерүүлөр жол кырсыгынын катталышына 80 пайыз айдоочулар күнөөлүү болуп чыгарын көрсөттү. Алар жол эрежесин одоно жана массалык түрдө бузуп жатышат. Экинчиден, жөө жүрүүчүлөр, себеби алар каалаган жерден өтүп жатышат. Бизде жол эрежесин бузган жөө жүрүүчүлөрдү жоопкерчиликке тартуу механизми, айып төлөө, алар менен иштешүү деген нерсе жок", - деди
Ч.Касмамбетова.

Автор: Турсунай Алымкулова
Фото: Турсунай Алымкулова, <br> "Жол коопсуздугу" коомдук уюму

13:22 18-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 124 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 103 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 62 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 153 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 553 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 267 0

Архив

Комментарийлер (2)

adyl.xxxxx

2016-11-18 13:23:49

Тообо кылдым, Кудай сактай көр.

Medina87

2016-11-18 13:46:48

Мен азыр гана Алтын-Орда базарынан келдим. Жол деген реагент тогулуп куролгондуктон таза,тонголок жок. Дегеним;Жолдор таза болсо жоо жургунчулор да, айдоочулар да аварияга учуроо шансы жок. Албетте сактыкта кордук жок, кээде тайгаланып жыгылып машинанын астында калып кеткен учурлар болот эмеспи.

Комментарий калтыруу үчүн өз ысымыңыз менен кириңиз же каттоодон өтүңүз.