Экс-депутат Ахматбек Келдибеков мамлекетке 10 миллион сом айып төлөдү

Экс-депутат Ахматбек Келдибековдон мамлекетке 10 миллион сом өндүрүлдү. Бул тууралуу бүгүн, 18-ноябрда Жогорку Соттон билдиришти.

Айта кетсек, 2015-жылдын 12-ноябрында Бишкек шаарынын Биринчи Май райондук соту Ахматбек Келдибековду Кылмыш-жаза кодексинин 304-беренесинин 4-бөлүмү менен актап жана ошол эле берене менен күнөөлүү деп тапкан. Ошондой эле ага 30 миң эсептик көрсөткүчтө айып салынган.

Ал эми бул чечимди Бишкек шаардык соту 2016-жылдын 11-мартында карап, Биринчи Май райондук сотунун Келдибековго карата колдонулган өкүмүнүн актаган жерин өзгөртүп, 50 миң эсептик көрсөткүчтө айып салган. Ошондой эле Кылмыш-жаза кодексинин 304-беренесинин 4-бөлүмү менен күнөөлүү деп табылып, 50 миң көрсөткүч менен айып салынган. Башкача айтканда, 10 миллион сом мамлекеттин эсебине которуу чечими чыгарылган. Үстүбүздөгү жылдын октябрь айында Жогорку Сот Ахматбек Келдибековго карата жазык ишти карап, Бишкек шаардык сотунун 2016-жылдын 11-мартындагы өкүмүн жана аныктамасын күчүндө калтырган болчу.

Автор: Бекжан Рыскулов