Өкмөт башчынын Орусияга болгон иш сапары башталды

Бүгүн, 22-апрелде премьер-министр Жантөрө Сатыбалдиев Орусиянын өкмөт башчысы Дмитрий Медведев менен жолугушат. Маалым болгондой, Орусияга болгон 2 күндүк расмий иш сапарынын алкагында Кыргызстандын өкмөт башчысы соода-сатык жана экономикалык, илимий-техникалык жана гуманитардык кызматташуу боюнча эл аралык кыргыз-орус комиссиясынын 15-жыйынына катышат. Мындан сырткары Жантөрө Сатыбалдиев аталган өлкөдөгү мекендештер жана кыргыз диаспора өкүлдөрү менен жолугушмакчы. Ал эми эки премьер-министрдин сүйлөшүүсү "Горки-9" резиденциясында өтөрү күтүлүүдө.

Автор: Мээрим Жеңишбек кызы