"Порошенкого телефон чалган Орусиянын пранкерлери менен байланышта болгон" деп бир жаран кармалды

"Украина президенти Петро Порошенкону тамашага салган Орусиянын пранкерлери менен байланышта болгон" деп Кыргыз Республикасынын бир тургуну кармалды. Бул тууралуу бүгүн, 18-ноябрда Тышкы иштер министрлиги кабарлады. Кармалган жаран камакка алынды, окуяны териштирүү убагында камакта болот.

Украина тарап "президент Петро Порошенконун үстүнөн тамаша уюштурууга катышты" деп Кыргыз мамлекетинин Тышкы иштер министрлигин айыптоодо. Украина президентинин басма сөз катчысы Святослав Цеголко Кыргыз Республикасынын Тышкы иштер министрлигинин кызматкерлеринин катышуусусуз телефондук сүйлөшүү уюштуруу мүмкүн эместигин айтты.

Эскерте кетсек, Украина президентинин расмий сайтында 2-ноябрда президент Петро Порошенко менен мамлекет башчы Алмазбек Атамбаевдин телефон аркылуу сүйлөшүү жүргүзгөнү тууралуу маалымат жайгаштырылган. Анда өлкө жетекчилери Кыргыз Республикасы-Украина кызматташтыгын, саясий диалогду жандантуу, соода-экономикалык кызматташтыкты күчөтүү тууралуу пикир алышканы айтылат. Бирок Кыргыз Республикасынын Президентинин Аппаратынын тышкы саясат бөлүмүнүн башчысы Сапар Исаков Порошенко менен Атамбаевдин ортосунда эч кандай телефондук сүйлөшүү болбогонун, Украина президентин кимдир бирөө тамашага салган болушу мүмкүн экенин маалымдаган эле.

Кечээ орусиялык пранкер Владимир Кузнецов (каймана аты Вован) социалдык тармактагы жеке баракчасына өзүнүн президент Алмазбек Атамбаевдин атынан Петро Порошенко менен телефондон сүйлөшкөн аудиосун жарыялады.

Өзүн Атамбаев деп тааныштырган адам менен Порошенконун сүйлөшүүсү

Автор: Автандил Добулбеков

18:24 18-11-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 124 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 103 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 62 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 153 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 553 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 267 0

Архив

Комментарийлер (6)

tima1211

2016-11-18 18:53:59

Аудиосун уксак болобу?

Eka.kg

2016-11-18 19:13:57

tima1211,Аудиосун угуп не кыласың?

-5

MAN-CITY

2016-11-18 19:22:48

Эмнеге пранкер Вованын озунда кармабайсынар? кучунор жетпейт аны кармаганга.

aibars

2016-11-18 20:44:19

Эмнеге Кыргыз жак жапа чегиш керек эгер Орустар кылган болсо. Ошондой эле ошол Вова учун Кыргызстандын Тышкы Иштер Министирлиги Орусия тарапка нота жибериши керек. Эмне учун биздин президенттин атынан ойношот.!

futboler

2016-11-18 20:54:02

Тим эле ПЕТРО дейсинер го, бул кадимки эле ПЕТР

zhykyo

2016-11-18 23:49:29

Ушундайда эле бизде куноо болуп калат

Комментарий калтыруу үчүн өз ысымыңыз менен кириңиз же каттоодон өтүңүз.