Тажикстанда кыргыз элинин Маданият күндөрү өттү

Тажикстанда 17-20-ноябрда Кыргыз Республикасынын Маданият күндөрү өттү. Бул тууралуу Маданият, маалымат жана туризм министрлигинин басма сөз кызматы кабарлады. Ачылуу аземине Тажикстандын маданият министри Шамсиддин Орумбекзод жана кыргыз тараптан министрдин орун басары Фархад Бекманбетов катышты.

"Кыргыз делегациясы Дүйшөмбү жана Вахдата шаарларынын тургундарын мыкты даярдалган маданий программа менен кубандырды. Музыка жана бий тармагындагы чыгармачыл топтор эң кооз, эстен кеткис номерлерин тартуулап, кыргыз элинин салтын, маданиятын көргөзө алышты", - деп жазылат маалыматта.

Ошондой эле кыргыз киносунун жумалыгында Кинематографисттер үйүндө "Курманжан датка", "Аку", "Сүтак" тасмалары көрсөтүлгөнү белгилүү болду. Ал эми концертте Бишкек шаарынын мэриясынын элдик аспаптар оркестри Токтогул Сатылгановдун, С.Жумалиевдин "Миң кыял", "Мекеним сенден башталат", Ж.Шералиевдин "Кыштак четинде" жана "Эргиме" чыгармаларын, Т.Казаковдун "Сүйүү жазы" жана Н.Тилендиевдин "Тажик бийи" чыгармаларын аткарышты.

Токтогул Сатылганов атындагы Кыргыз улуттук филармониясынын солисттери Замира Мавлянова, Чырмаш Төрөбеков жана Бишкек мэриясынын оркестринин солисти Бакыт Ыбыкеев "Кутмандуу жер", "Неаполитанская песня", "Алтынчы күнү кечинде", "Ой, тобо", "Сагындым" ырларын аткарышкан. Ал эми ырчы Нэна "Нарындан жазган салам кат" жана "Өмүр майрамы" ырларын тартуулаган.

Мындан сырткары көргөзмөлөр да уюштурулган.

Автор: Үмүт Абдраимова
Фото: Маданият, маалымат<br>жана туризм министрлиги

18:37 23-11-2016

Жазылуу

РУБРИКАДАГЫ СОҢКУ КАБАРЛАР

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 406 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 305 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 420 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 1057 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 489 0

22:31 2025-05-13 | Түркүн дүйнө

"15 жылдан 50 жылга чейин". Америкалык рэпер P.Diddy'ге карата сот иши башталды 678 0

Архив

Комментарийлер (2)

Azizbek.kg8

2016-11-23 19:05:27

Тажиктер чакырып бир демкени мелжел кылып жатыргой.

-8

Asem89

2016-11-23 22:44:53

Жаман ойлоштун кереги жок, мындай иш-чаралар мурдатан эле болуп келген. Бул аркылуу элдердин достугу бекемделет, бири-биринин маданияты менен таанышат дегендей да.

Комментарий калтыруу үчүн өз ысымыңыз менен кириңиз же каттоодон өтүңүз.