Бишкекте шаар тургунун коркутуп, акчасын жана уюлдук телефонун алып койгон эки жаран кармалды

Бишкекте шаар тургунун коркутуп, акчасын жана уюлдук телефонун алып койгон эки жаран кармалды. Бул тууралуу бүгүн, 25-ноябрда Бишкек ШИИББинин басма сөз кызматы билдирди.

Маалыматка караганда, 24-ноябрь күнү милиция кызматкерлерине Б.Б. аттуу шаар тургуну кайрылып, 23-ноябрь түнү белгисиз эки адам коркутуп, 1000 сомун жана кымбат баалуу уюлдук телефонун тартып алышканын айткан.

"Бул боюнча кылмыш иши козголуп, шектүү катары 1995-жылы туулган Э.М. жана 1993-жылы туулган О.А. кармалган. Учурда алар убактылуу кармоочу жайга киргизилип, тергөө амалдары жүрүп жатат", - деп билдирди басма сөз кызматы.

Автор: Бекжан Рыскулов