ЖЫЛНААМА, 27-НОЯБРЬ: Депутат Кенжебек Бокоев 49 жашка толду

Жогорку Кеңештин V, VI чакырылыштарында “Республика” фракциясынан депутат болгон Кенжебек Бокоев 49 жашка толду. Ал 1967-жылы 27-ноябрда Талас облусунун Кара-Буура районундагы Аманбаев айылында туулган.

1992-жылы Москвадагы А.С.Скрябин атындагы Ветеринардык академиянын зооинженердик факультетин бүтүргөн.

1985-1987-жылдары Советтик Армиянын катарында Ооганстанда кызмат өтөгөн.

1992-1995-жылдары жеке ишкер катары эмгек жолун баштаган.

1995-1997-жылдары – Кара-Буура районундагы "Токчулук" дыйкан чарбасынын башчысы;

1997-1998-жылдары – Кара-Буура районундагы "Кол кабыш" жоопкерчилиги чектелген коомдун директору;

1998-2005-жылдары – Талас облусундагы "Кутман-Ордо" фермердик ассоциациясынын төрагасы;

2005-2010-жылдары – Аманбаев айыл өкмөтүнүн башчысы.

2010-жылы октябрда "Республика" партиясынан Кыргыз Республикасынын Жогорку Кеңешинин V чакырылыштагы депутаты, ал эми 2015-жылдын октябрь айында Жогорку Кеңештин VI чакырылыштагы депутаты болуп шайланган.

27-ноябрдын жылнаамасы.

Автор: Максат Кудайбердиев