СУПЕРСТАН: "Ар бир адам эң биринчи өзүн сүйүүсү керек"

SUPER.KG порталынын "Суперстан" бөлүмүндө "Мен өзүмдүн сырткы келбетиме нааразымын" деген темада форумчулар кызуу талкуу жүргүзүп жатышат.

Теманы ачкан колдонуучунун билдирүүсү:

"Көптөн бери өзүмдүн жан дүйнөмдөгү нерселерди жазайын деп жүргөм. Мен өзүмдү бактысыз сезем, жүрөгүм сыгылат. "Дүйнөнү сулуулук сактайт" демекчи, сулуу болсоң бир аз болсо да өзүңдү ишенимдүү сезесиң. Мен өзүмдү күзгүдөн да көрө албайм. Келбети келишкендерди көрсөм маанайым чөгө түшөт. Туугандар арасында "ушунун келини жакшынакай", же болбосо "сулуу эмес экен" деп сүйлөшүп калышса, дароо өзүмө алам".

Темага калтырылган билдирүүлөр:

"Акылдуу болуп көрүнбөйүн, бирок алты мүчөңүз амандыгына Кудайга шүгүр деңиз".

"Сиз өзүңүздөн кемчиликти издей бербей, жакшы сапаттарыңызды изилдеп чыгыңыз. Балким, сулуу адамдарда жок жакшы сапат сизде бардыр. "Менде бут болсо, кол болсо, көз болсо, уксам деп" жүргөн 6 мүчөсү бүтүн эмес адамдар канча. Тобо кылып жашаңыз".

"Сулуу эмес аялзаты жок, өзүн карабаган аялдар бар" деп айтылат эмеспи. Өңү серт болуп, бирок өздөрүн бактылуу сезген адамдар бар. Теманы ачкан автордун "сулуулар эле бактылуу болот" деген оюна кошулбайм".

"Келбетиң жакпаса имиджиңди өзгөрт, косметиканын күчү менен азыр бардык нерсени кылса болот. Ошондон кийин гана сен өз жашооңду, талдап-тандап көрөсүң. Бирок кайсы бир убак өткөндөн кийин "боёкторсуз деле сулуу экенмин, ушул келбетиме эле шүгүр" дей турган күн да келет".

"Ар бир адам эң биринчи өзүн сүйүүсү керек. Форумчулар туура айтат, алты саныңыз аман экен, ошого шүгүр кылыңыз. Келбетиңизге кам көрүңүз".

Талкууга кошулгуңуз келсе, бул жакка кириңиз.

Автор: Алина Токтакунова
Фото: Интернеттен алынган

15:07 28-11-2016

Жазылуу

РУБРИКАДАГЫ СОҢКУ КАБАРЛАР

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 84 0

20:20 2025-05-13 | Коом жана турмуш

Ош шаарынын мэри Токторбаев орун басарларына жаңы унааларды тапшырды (видео) 368 0

20:03 2025-05-13 | Саясат

Депутат Сулайманов эки жетекчиден кызматтан кетер-кетпесин сурады (видео) 338 0

19:31 2025-05-13 | Коом жана турмуш

Ошто салынган эки деңгээлдүү көчө жарыктандырылды (видео) 463 0

19:18 2025-05-13 | Кылмыштар, кырсыктар

Ат-Башыда катуу шамал көп батирлүү үйдүн чатырын учуруп кетти 284 0

18:56 2025-05-13 | Саясат

Айбек Жунушалиев жетекчилерге бир катар тапшырмаларды берди 339 0

Архив

Комментарийлер (3)

Ais07

2016-11-28 15:50:42

Озунузго каранып, беш убак намаз окуп журсонуз эле сиздин жузунуз озунчо тунук , нурдуу болуп корунуп калат. Анан Анжеликанын "Бактылуу айым" программасы бар го, ошого барсаныз жасантып,имидж тандап берет)

kilim

2016-11-28 20:34:03

Алты саны аман туруп нааразы болгондорго тобо кылам

Jyrgal_msk

2016-11-29 01:10:50

Эн биринчи Алланы суй,анан ата-эненди суй!

Комментарий калтыруу үчүн өз ысымыңыз менен кириңиз же каттоодон өтүңүз.