Бишкекте 5 жылдан бери селсаяк болуп, калың кагаз күйгүзүп, отуна жылынып жашаган адам баарына өзүн күнөөлөйт

Таштанды таштоочу жайда отурган достор

Михаил Камарский жана анын досу Сергей

Ысык-Көл облусунун тургуну Михаил Камарский Бишкекте 5 жылдан бери жылуулук өтүүчү түтүктөрдү кучактап жашайт. Ал мындай жашоого жубайы менен кызы таштап кеткенден кийин туш болгон. Ал оор тагдырга кабылып, кыштын чыкыроон суугунда көчөдө түнөгөн таржымалын айтып берди.

"Башында жубайым менен жакшы жашап жаткам. Ал учурда бир аз спирт ичимдигин ичип койчумун. Кийинчерээк жумуш жок, кыйынчылык башталды. Оротодо кызыбызды окутуп, кийиндиргенге акча таппай калып жаттык. Ал тургай тамак-ашка тыйын таппай ачка калган күндөр болду. Мындан улам келинчегим экөөбүз урушчу болдук. Акча таппай кыйналып, достор менен байма-бай ичип келе баштадым. Бир жыл ичинде спирт ичимдигин ичпесем кармана албай турган абалга келдим. Ошол учурда жубайым менен кызым таштап кетишти", - деди Камарский.

Жылдын төрт мезгилинде таштандыдан нан таап жеп, калың кагаз (картон) күйгүзүп, отуна жылынып жашаган каарманыбыз учурда 40 жашта. Ал азыр баш калкалаар жери жок, борбор калаанын ар кайсы жеринде селсаяктык кылып жашап жүрөт.

"Бала кезде жакшы кыялдарым бар болчу, бирок анын бири да аткарылбай калды. Азыркы убакта жубайым Орусияда деп угам. Ал эми кызым турмушка чыгып, төрөгөнүн эжем айткан. Бир канча жылдан бери канымдан жаралган кызымды көрө элекмин. Неберемди жыттагым келет", - деп көзүнө жаш алды каарманыбыз.

Михаил анын бир тууган эжеси бар экенин айтат. Ал учурда Ысык-Көл облусунда жашайт. Эжеси аны беш жыл мурда үйүнөн кууп чыккан. Бүгүнкү күндө ал Сергей аттуу адам менен таанышып, бир жылдан бери дос болуп жүрөт. Ал экөө күн сайын таштанды тытып нан таап, жылуу кийим издөө менен алек.

Автор: Акназар Сулайманкулов
Фото: Акназар Сулайманкулов

15:21 30-11-2016

Жазылуу

РУБРИКАДАГЫ СОҢКУ КАБАРЛАР

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 84 0

20:20 2025-05-13 | Коом жана турмуш

Ош шаарынын мэри Токторбаев орун басарларына жаңы унааларды тапшырды (видео) 368 0

20:03 2025-05-13 | Саясат

Депутат Сулайманов эки жетекчиден кызматтан кетер-кетпесин сурады (видео) 338 0

19:31 2025-05-13 | Коом жана турмуш

Ошто салынган эки деңгээлдүү көчө жарыктандырылды (видео) 463 0

19:18 2025-05-13 | Кылмыштар, кырсыктар

Ат-Башыда катуу шамал көп батирлүү үйдүн чатырын учуруп кетти 284 0

18:56 2025-05-13 | Саясат

Айбек Жунушалиев жетекчилерге бир катар тапшырмаларды берди 339 0

Архив

Комментарийлер (2)

elmurat.kg

2016-11-30 22:56:43

мына сага арак эмнеге алып барат

isnur93

2016-12-01 02:01:15

Албетте озу кунолуу,арака кетирген акчага уйго майда чуйдо алып келсе болот,арака акча тапкан кантип уй булосуно акча таба албайт,кичине кыйналсада меенет кылып иштеш керек,анан кичине кыйналсале ичип албай,не болду десе,жашоом кыйын,уй буломду бакканга акча жок деп отурбай.Ошо жашоонуда озу тузот адам,путу колу жок болсо бир жон,алты саны аман,кучу колунда дагы не керек.

Комментарий калтыруу үчүн өз ысымыңыз менен кириңиз же каттоодон өтүңүз.