ЖЫЛНААМА, 30-НОЯБРЬ: Жогорку Кеңештин депутаты Анвар Артыков 65 жашка толду

V, VI чакырылыштардагы Жогорку Кеңештин депутаты Анвар Артыков 65 жашка толду. Ал 1951-жылы 30-ноябрда Ош шаарында туулган. 1977-жылы Анжиян пахтачылык институтун инженер-механик адистиги боюнча аяктаган.

Эмгек жолун 1966-жылы Кыргыз ССРинин Турак жай-коммуналдык чарба министрлигинин Оштогу булгаары тазалоо конторасында жумушчу болуп иштөөдөн баштаган.

1973-1975-жылдары - Москва аскердик округунда аскер кызматын өтөгөн;

1979-1981-жылдары - Ош автобазасында башкы инженер;

1981-1984-жылдары - КамАЗ автомашиналарын тейлөө жана тетиктер менен камсыз кылуу борборунун Ош аймактык бөлүмүнүн директору;

1984-1991-жылдары - Ош обкомпартиясынын өндүрүш бөлүмүндө инструктор, Жалал-Абад обкомпартиясынын экинчи катчысы, Кыргызстан Компартиясынын БКнын иш башкаруучусу;

1999-2000-жылдары - Кыргыз ССР Жогорку Советинин депутаты, Кыргыз Республикасынын Жогорку Кеңешинин депутаты;

2004-2005-жылдары - Дүйнөлүк банктын энергетика жаатындагы долбоорун жетектеген;

2005-жылы - Ош облусунун Элдик кеңешинин төрагасы;

2005-жылы - Ош облусунун мамлекеттик администрациясынын башчысы - губернаторунун милдетин аткарган;

2010-жылдын октябрында - "Ар-намыс" саясий партиясынын тизмеси боюнча V чакырылыштагы Жогорку Кеңештин депутаты болуп шайланган;

2015-жылдын октябрь айында КСДПнын тизмеси боюнча VI чакырылыштагы Кыргыз Республикасынын Жогорку Кеңешинин депутаты болуп шайланган.

Депутат Кыргыз Республикасынын Эмгек сиңирген экономисти, 5 баланын атасы.

30-ноябрга карата жылнаама.

Автор: Саадат Токтоболот кызы