2016-жылы айылдарды таза суу менен камсыздоого 100 миллион сом бөлүнгөнү айтылды

2017-жылы "Таза суу" долбоорун ишке ашырууга республикалык бюджеттен 200 миллион сом каралган. Бул туурасында Кыргыз Республикасынын Премьер-министри Сооронбай Жээнбеков бүгүн, 30-ноябрда Жогорку Кеңештин жыйынында билдирди.

"2016-жылы айылдарды таза суу менен камсыздоого байланыштуу иштерди каржылоого республикалык бюджеттен болжол менен 100 миллион сом бөлүнгөн. 2017-жылга карата республикалык бюджетте бул сумма эки эсеге жогорулатылып, 200 миллион сомду түзгөн", - деди Жээнбеков.

Белгилей кетсек, учурда өлкө аймагында таза суусу жок айылдар бар. Тургундар сууну арыктан, туруп калган көлмөлөрдөн алууга мажбур. Мындан улам оорулардын саны да өсүүдө.

Автор: Үмүт Абдраимова