Кара-Суу районунун Жаңы-Арык айыл аймагында окуучулар жарым кылым мурда малчыларга салынган үйдө окушат

Ак-Терек мектебинин класстык бөлмөсү

Ак-Терек мектеби

Каныбек Абдылдаев атындагы мектептин чатыры

Каныбек Абдылдаев атындагы мектептин жарака кеткен дубалдары

Каныбек Абдылдаев атындагы мектеп

Ош облусуна караштуу Кара-Суу районунун Жаңы-Арык айыл аймагында окуучулар малчыларга курулган үйдү мектеп катары пайдаланышат. Бул тууралуу бүгүн, 1-декабрда SUPER.KG порталына Кара-Суу райондук билим берүү бөлүмүнүн башчысы Мурзабек Акматалиев билдирди.

"Жаңы-Арык айыл аймагында Каныбек Абдылдаев атындагы мектептин курулушу үчүн 58 миллион сомго тендер өткөн. 2015-жылы 275 орундуу мектептин пайдубалын түптөөгө жери казылган эле, бирок курулуш бир жылдан бери токтоп калды. 2016-жылы таптакыр каражат бөлүнгөн жок. Биз тиешелүү кызматтарга бир канча жолу кат аркылуу кайрылуу жасадык. Балдар Советтер Союзу учурунда, 1966-1967-жылдары малчыларга жатакана деп салынган, эскилиги жеткен үйдө окуп жатышат. Бул абдан кооптуу. Имараттын курулганына 50 жыл болду", - деди Акматалиев.

Маалыматка ылайык, аталган мектепте учурда 400дөн ашуун окуучу окуйт. Ал эми ошол эле айылда Ак-Терек орто мектеби да эскилиги жетип, кулап калуу коркунучунда турат.

"Ошол эле айыл аймактагы Ак-Терек мектебинде 145 окуучу окуйт. Окуучулар имаратка батпай жатат. Өзгөчө кырдаалдар министрлиги мектеп авариялык абалда деген чечим чыгарып берген. Ага карабай окуу уланууда. 2015-жыл билимкананы курууга 24 миллион сомго тендер өткөн. Кийин 2 миллион сом бөлүнүп, ошол боюнча каражат берилбей калды", - деп кошумчалады Акматалиев.

Автор: Акназар Сулайманкулов
Фото: Мурадыл Матраимов

12:51 01-12-2016

Жазылуу

РУБРИКАДАГЫ СОҢКУ КАБАРЛАР

16:53 2025-05-13 | Коом жана турмуш

Пакистандын Инженерия институтуна чет өлкөлүк студенттерди кабыл алуу башталды 37 0

16:40 2025-05-13 | Түркүн дүйнө

Путин менен Зеленский бетме-бет жолугушу мүмкүн 201 0

16:23 2025-05-13 | Түркүн дүйнө

Трамп иш сапары менен Сауд Арабиясына барды 232 0

16:03 2025-05-13 | Коом жана турмуш

ИИМ Бишкек шаардык милициясынын имаратында тинтүү жүргүздү 416 0

15:45 2025-05-13 | Коом жана турмуш

"Алыкул Осмоновдун поэзия дүйнөсү" аттуу эл аралык форум өтүүдө 157 0

15:41 2025-05-13 | Коом жана турмуш

Төрага билим берүү министрлигинин экиге бөлүнгөнүн туура чечим деп баалады 276 0

Архив

Комментарийлер (3)

tynara81

2016-12-01 13:51:43

Айтаарга сөз таппай калдым. Айта берип да тажадык окшойт... Ушуларды неге көргүсү келишпейт... Өздөрүнө особняк салуу менен убарабы же... Карыз алгандан коркпошубуз керек деп койот дагы. Алган карыз керек жерге жетпей жатпайбы ...

TPUMOl

2016-12-01 14:16:14

Эхх, Атка минерлер эй, жанды кейитип буттунор го!

nurzada78

2016-12-03 20:45:59

Мен окуган мектеп,атындан кагылайын алтын мектебим!Менин балалык,окуучулук кездерим калган мектеп!

Комментарий калтыруу үчүн өз ысымыңыз менен кириңиз же каттоодон өтүңүз.