Чүй облусунда жер алдындагы суулардын деңгээли көтөрүлүүдө

Чүй облусунун Чүй, Москва, Жайыл райондорунун жана Токмок шаарынын аймактарында жер алдынан чыккан кыртыш сууларынын деңгээлдери көтөрүлүп, калктуу конуштардагы турак үйлөргө коркунуч жаратууда. Бул тууралуу бүгүн, 1-декабрда Өзгөчө кырдаалдар министрлигинен билдиришти.

"Кырсыктын алдын алуу үчүн Кыргыз Республикасынын Өзгөчө кырдаалдар министринин орун басары Давлетбек Алимбековдун буйругунун негизинде жергиликтүү бийлик органдары тарабынан ачык типтеги дренаждык каналдарды тазалоо иш-чараларын тез аранын ичинде аткарууга дизелдик күйүүчү май бөлүнүп берилди", - деп айтылат ӨКМнын маалыматында.

Автор: Бекжан Рыскулов