Кечээ, 1-декабрда Facebook социалдык тармагынын негиздөөчүсү Марк Цукерберг кызынын алгачкы туулган күнүн белгиледи. Мындай кубанычтуу күндү социалдык тармактардан жашыра албаган Марк кызын интернеттеги өздүк баракчалары аркылуу да куттуктаган.
"Бир жыл бат эле өтүп кеткенине ишенбей турам. Кечээ ал мени биринчи жолу бетимден өптү. Кызыма, негизи эле дүйнөдөгү бардык наристелерге узак, бактылуу, бекем ден соолукта өмүр сүрүүнү каалайм", - деп жазып, аялы Присцилла Чан, кызы Макс менен турган сүрөтүн жүктөгөн.
