super.kg logo

"Супер сулуу-2016" наамы менен катар Бали аралына жолдомону Бактыгүл Орозбаева утуп алды

 

23:25. SUPER.KG порталынын 10 жылдык мааракесине арналган концерт “SUPER.KG'ге арноо ыры” менен аяктады. Атайын порталдын 10 жылдыгына карата жазылган ырды Омар, Жийдеш, Баястан, Каныкей жана Нурлан Насип аткарды.

"Супер сулуу-2016" наамын тапшыруу үчүн "Компьютер-Пресс" компаниясынын директору, "Супер-Инфо" гезитин жетектеген Шайиста Шатманова чакырылды. Ал бүгүнкү күндүн жеңүүчүсүнүн ысымын атады. "Супер таажы" менен катар Бали аралына жолдомону Бактыгүл Орозбаева утуп алды. Ага таажыны "Супер сулуу-2013" наамынын ээси Орункүл Шабралиева кийгизди.

"Ажарлуу сулуу" наамынын жеңүүчүсүнө сыйлык тапшыруу үчүн сахнага стилист Замира Молдошева чакырылды. Ал сулууларга "Бүгүн сынакка ар бир кыз жакшы даярданыптыр. Ар бириңер сулуусуңар, жүрөк оорутпагыла" деген кеп-кеңешин айтып өттү. "Ажарлуу сулуу" наамы Айзада Абанбековага тапшырылды.

"Сымбаттуу сулуу" наамына Алтынай Эмилбекова арзыды.

23:10. Сулуулар сынагынын жеңүүчүлөрүн аныктачу мезгил келди. "SUPER.KG ажары" наамы Аида Карабаевага тапшырылды.

22:45. Порталыбыздын 10 жылдыгына арналган кезектеги дуэттердин бири "Жамиля" жаңырды. Ырды Ильяз Абдыразаков менен Эрнест Бөрүбаев аткарды.

"Жарайт Сити" күлкү жаратуучулар тобу сахнага чыгып, элди шаңга бөлөдү.

Ырдоо үчүн сахнага чыккан Нурлан Насип кичинекей күйөрманы менен жолугушту. Ырчы жаш күйөрманынын гүлүн алып, аны кубандырып эстеликке сүрөткө түштү.

22:15. Сулуулар сынагы акырындык менен чечүүчү мезгилине жакындап баратат. Кече көйнөктөрүнүн көрсөтмөсүнө бийкечтер таанылгыс болуп өзгөрүп чыгышты.

22:00. “Кара жоргону” кыргызча аткарам деп Малайзиядан келген коногубуз көпчүлүктүн колдоосуна арзыды. Фарра Фаттахтын кыргыз маданиятына кызыкканы, ырды берилүү менен аткарганы көпчүлүктүн ичин жылытты.

21:55. SUPER.KG порталынын 10 жылдыгына карата мындан 4 ай мурун видеокуттуктоолор сынагы жарыяланган. Куттуктоо жөнөтүп, тандалып алынган 10 катышуучу элдин добуш берүүсүнө коюлган. Алдынкы үчтүккө кирген жеңүүчүлөр дагы концерттин сыйлуу коноктору катары келишкен. Аларга сыйлыкты SUPER.KG порталынын башкы редактору Гүлжан Асанкожоева тапшырды. Добуш берүүдө 3-орунду Бакыт Бекташев, 2-орунду Абиталиф Аринов ээлеген. 1-орунга Жанеля Светюкова жиберген видеокуттуктоо татыктуу болду.

21:45. Ал эми Айгерим Расул кызынын белеги да өзгөчө болду. Ал атайын ушул кечте "Түнкү Бишкек" чыгармасын тартуулады.

Кызыл түстө кийинген Дайыр Исмадияров сахнага Анжелика менен биргеликте чыгып, "Кызыл гүлүм" чыгармасын аткарышты. Ырчылар бир кезде хит болгон ырды SUPER.KG порталынын 10 жылдыгына арнап жаздырышкан.

21:30. Омар сахнага чыкканда алып баруучулардын демилгеси менен чыгармачыл коноктор да бийлешти. "Эгерде эркектер арасында сулуулар сынагы өтсө, Омар жеңишке жетишмек", - деп Эркин Рыскулбеков тамашалады.

21:05. Эрмек Нурбаев менен Урмат Усенов микрофон алып, кайрадан сахнага чыгышты. Демек, “Супер сулуу” сынагынын финалчылары кезектеги тапшырманы аткарышат. Алып баруучулар жар салып, “Супер сулуу” сынагынын финалчыларын чакырышты. Алар аткара турган 3-тапшырма - чыгыш бийин бийлөө. 2 айдан ашык убакыттан бери кыздар кызуу даярданып, бийди өздөштүрүшкөн. Калыстар жана көрүүчүлөр өз баасын беришмекчи.

Кыздар алгач топ менен бийлешти. Андан кийин урма аспаптын коштоосунда жекече бийлөөгө өтүштү. Урма аспапты Хамид Алимов "күүгө келтирип" жатты.

21:00. “Мен Анара эмесмин!” деп жеңелерине чаң салган Асема тасмадагы жигити Мурат менен “Айланайын” аттуу ырды аткарды. SUPER.KG порталына быйыл 10 жыл толгондой эле, Асема менен Съездбекти актёр катары тааныткан “Боз салкын” тасмасына да быйыл 10 жыл болуп жатат.

20:45. Концерттин сюрприздерге бай болору күн мурунтан кабарланган. Бүгүнкү иш-чара эки муундун жылдыздарын бир сахнада бириктирди. Буга чейинки дуэттерге удаа Адилет Азимов менен Гүлнур Сатылганова "Болсочу” чыгармасын аткарышты.

Концертте катарынан дуэттер аткарылууда. Данияр Эрматов жана Айчүрөк Иманалиеванын "Роза гүлү" чыгармасы жаңырды.

20:40. Кыргыз Республикасынын Эмгек сиңирген артисти Алина Жетигенова менен жаш ырчы Айдана Дека бир кезде популярдуу болгон "Кыздын сыры" ырын аткарышты. Айдана Дека Алина айым менен дуэт ырдоо, аны жаздыруу кызыктуу болгонун айткан. Ырды сахнада аткаруу да ал үчүн кызыктуу болду окшойт. Эл жылуу кабыл алып, аларды кол чабуу менен узатты.

Ага удаа "Биз" тобу менен Аваз Акимовдун үнү обого жаңырды. "Муйдусунан" аталышындагы хит порталыбыздын 10 жылдыгына карата жазылган.

20:30. Асел Турдалиева менен Алихан "Келчи, гүлүм" аттуу ырды аткарышты.

20:25. Сулуулар кезектеги тапшырманы аткаруу үчүн кайрадан эл назарында болушту. Бул тапшырма өзгөчө мааниси бар тапшырма. Ал аялдар да, эркектер де үстүнөн түшүрбөй кийип жүргөн жынсыга байланыштуу болмокчу. Азыр эркекпи, айымбы, кимисинин гардеробун ачпа, жынсыдан шым же дагы башка кийим табууга болот. Кыздар жынсы кийип чыгышты.

20:20. Азырынча ырчылар өнөрлөрүн тартуулап жатышат. Курал Чокоев менен Ильяз Андаш "Сейдакматтын ыры" аттуу хитти аткарып беришти.

Легендарлуу "Биз" тобу азырынча сахнага чакырыла элек. Алар четте карап, концерттин жүрүшүнө көз салып жатышат.

Аяна Касымованын аткаруусундагы "Сүрөтүңө" чыгармасы.

20:00. Бийкечтердин талантына, сулуулугуна, сахнада өзүн алып жүрүүсүнө, келбетине, айтор, бардык жөндөмүнө жараша баа берилет. Алар сахнага дагы да кайтып келишмекчи. Азырынча ырчылар өнөрлөрүн тартуулап жатышат.

19:35. Сахнага чыккан сулуулар тобу менен эл алдынан басып өтүштү. Андан соң кезек-кезеги менен чыгып, өздөрүн тааныштырышты.

Сынак 2007-жылы башталып, алгачкы жеңүүчү Түркиянын Анталия шаарына барып эс алып келген. Андан бери сынак жеңүүчүлөрүнө дүйнөнүн эң керемет экзотикалуу жерлери болгон Египет, Малайзия, Таиланд, Хайнань, Гоа, Шри-Ланка аралдарын кыдырып саякаттап көрүп келүү бактысы буйруду. Эми кезектеги жолдомонун ээси ким болот жана ызгаардуу кышта Бали аралына барып эс алып келүү бактысы кимге буюрат, ага концерттин жүрүшүндө күбө болосуздар.

19:25. Концертти “Супер сулуу” сынагысыз элестетүү мүмкүн эмес болуш керек. "Быйыл бул сынактын жүрүшүн башкаруу милдети Эрмек экөөбүзгө жүктөлгөнүн сыймыктануу менен жарыялайм", - деди Урмат Усенов.

“Супер сулуу-2016” сынагына кезек келди. Бул бөлүктүн алып баруучулары Урмат Усенов менен Эрмек Нурбаев болушмакчы.

19:15. Ырчылардын ичинен сахнага биринчи болуп Жийдеш Идирисова чыкты. Ал бийчилердин коштоосунда "Жаным" аттуу чыгарманы аткарып берди. Андан соң жылдын хит ырларынын бири "Жубайыма" чыгармасы Турдакун Ниязалиевдин аткаруусунда жаңырды.

19:10. SUPER.KG порталынын 10 жылда аткарган иши, жетишкендиктери тууралуу видеобаян көрсөтүлдү. Эл порталдын эмгегин баалап, жылуу кабыл алды.

19:00. Концертте алып баруучулук кызматта Нурзат Токтосунова менен Эркин Рыскулбеков болмокчу. Алар сахнага чыгып, концертти ачык деп жарыялашты.

18:55. Алгач сахнага Эрлан Нанаев чыгып, залды жашыл түскө боёгон лазер-шоу көрсөттү. Андан соң комуз менен скрипканы "сыздаткан" дуэт Назбек Кенчинбаев менен Нурайым Азыкбаева “Маш ботой” чыгармасын өзгөчө стилде аткарып беришти.

Спорт Ордосунда учурда атмосфера шаңдын жогорку чегинде. Сахнанын жасалгасы, музыкалык аппараттардын сапаты, атайын жазылган дуэттер 3 сааттан ашык убакыт аралыгында чогулган элдин кайгы-капасын унуткармакчы. Кеченин коноктору сахна артында эстеликке сүрөткө түшүү менен алек.

"Супер концерт" тууралуу учкай айта кетсек, жылдагы концерттерден айырмаланып, бул жолу түрдүү чөйрөдө жылдын суперлери аныкталбайт. Иш-чаранын "көзүрү" 16 сулуунун "Супер сулуу" наамы үчүн ат салышканы болмокчу. Буга катар ырчылар обон созуп, күлкү жаратуучулар элди шаңга бөлөйт.

18:50. Бүгүн, 9-декабрда Кожомкул атындагы Спорт ордосунда SUPER.KG порталынын 10 жылдыгына арналган концерт өтөт. Жалпы окурмандарга салам айтуу менен бул концерттен онлайн режиминде маалыматтарды жеткирип турмакчыбыз.


кошулду


Супер концерт: Сулуулардын саламдашуусу

Супер концерт: Ильяз менен Курал "Сейдакматтын ырын" созушууда

Супер концерт: Малайзиядан келген Фарра

Супер концерт: Бактияр Токторов, Аваз Акимов - "Муйдусунан"

Супер концерт: Сулуулар

SUPER.KG порталынын 10 жылдык мааракелик концертинен репортаж

Автор: Кызжибек Раимова, Айзат Болотбек кызы
Оператор: Мундуз Нурланбек уулу, Айбек Алимов
 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 3 
Комментарийлер(85)
10.12.2016. 12:02 
Тайпасы:
Кыймылы жок
Комментарийлердин саны:
1
Катталган:
12-04-2016
Соӊку аракети:
03-12-2018 15:05
Жынысы:
Белгисиз
Калаасы:
АЙ
+1
айзада абанбекова татыктуу болчу,эркекче
10.12.2016. 12:15 
Тайпасы:
Жаран
Комментарийлердин саны:
502
Катталган:
11-02-2014
Соӊку аракети:
17-02-2020 22:22
Жынысы:
Белгисиз
Калаасы:
Бишкек Кыргызстан
0
Nur_zhoni чооң рахмат
Медиа-портал
10.12.2016. 13:37 
Тайпасы:
Кыймылы жок
Комментарийлердин саны:
19
Катталган:
08-11-2016
Соӊку аракети:
05-04-2018 07:48
Жынысы:
Белгисиз
Калаасы:
Г.Ош
-1
фонограмманы эзишиптир го
10.12.2016. 14:01 
Тайпасы:
Жаран
Комментарийлердин саны:
1178
Катталган:
23-09-2015
Соӊку аракети:
18-02-2020 09:34
Жынысы:
Белгисиз
+2
Супер концерт болгондо Айжамал, Чолпонай, Айнура учоо атаандашканда Чолпонай утуп кеткенде таң калгамын бир эл оозунда ырдалган ыр жок кыз алып кеткенде, Айжамал Кабылова,Айнура Салахидинова Чолпонайдын 100% жакшы ырдачу тем более ошол жылы Чолпонайдын ыры популярдуу болгон эмес эле
Alixan-Nookat.2015 түзөттү 2016-12-10 14:02:49
10.12.2016. 14:11 
Тайпасы:
Кыймылы жок
Комментарийлердин саны:
12
Катталган:
26-11-2016
Соӊку аракети:
25-01-2019 11:05
Жынысы:
Белгисиз
-2
Аиданын видеосу, суйлогону башка кыздарга караганда ото оригинальный эле.
10.12.2016. 14:48 
Тайпасы:
Кыймылы жок
Комментарийлердин саны:
420
Катталган:
06-03-2016
Соӊку аракети:
06-04-2018 22:47
Жынысы:
Белгисиз
-2
Татыктуу эле татыктуу эмес эле леп калыс боло бербегилечи, Калыстар тобунун деле баштары бар кимге кандай баа беришти билишет, оздоруно жараша баа берет да
10.12.2016. 16:12 
Тайпасы:
Жаран
Комментарийлердин саны:
18
Катталган:
20-04-2016
Соӊку аракети:
03-02-2020 23:07
Жынысы:
Белгисиз
-5
Мышык майга жетпей сассык дептир дегенсип? Жакшына татыктуу эле болду. Коро албастык кыла бербегилечи бироону сындап!
10.12.2016. 17:51 
Тайпасы:
Жаран
Комментарийлердин саны:
11
Катталган:
28-11-2016
Соӊку аракети:
24-11-2019 09:47
Жынысы:
Белгисиз
-2
Жакшы Таажын кут болсун озун жаш болсондо ийгилик жараттын чынында еле жылдыздуу сулуу экенсин дагы бир жолу куттуктаймын.Ичи тарларга айтайын дегеним оа кыздар сулуу бирок жылдызы жок суук сулуулар екен адам баласы негизи бетинен жылдызы жанып турса нур берип ошол гана сулуу деп айтылат
Медиа-портал
10.12.2016. 18:50 
Тайпасы:
Кыймылы жок
Комментарийлердин саны:
40
Катталган:
04-06-2014
Соӊку аракети:
26-12-2018 07:26
Жынысы:
Белгисиз
-3
Супер kg порталынын 10 жаш туулган куну кут болсун! Концерт супер болду! Чыныгы жыл жыйынтыктоочу мыкты уюшулган жана жогорку денгээлде даярдалган! супер инфонун жалпы жамаатына чыгармачылык ийгилик! Супер сулуу 2016 Бактыгул эн туура деп табылды! Баары топ келишкен!
10.12.2016. 18:55 
Тайпасы:
Жаран
Комментарийлердин саны:
135
Катталган:
07-04-2016
Соӊку аракети:
18-02-2020 01:44
Жынысы:
Белгисиз
Калаасы:
Токтогул
-2
Аида Карабаева утса деп куттум эле
11.12.2016. 01:10 
Тайпасы:
Жаран
Комментарийлердин саны:
73
Катталган:
01-08-2011
Соӊку аракети:
31-01-2020 10:48
Жынысы:
Белгисиз
Калаасы:
Bishkek
+1
Бул жылы ХХХ чыккан эмес го. Бардыгы эле мен ХХХ экен.
Модератор admin_portal түзөттү 2016-12-12 12:07:53
12.12.2016. 12:08 
Тайпасы:
Супермодератор
Комментарийлердин саны:
881
Катталган:
19-11-2013
Соӊку аракети:
18-02-2020 09:52
Жынысы:
Белгисиз
-1
tokitok, этика нормаларын сактаңыз!
11.12.2016. 01:38 
Тайпасы:
Кыймылы жок
Комментарийлердин саны:
23
Катталган:
18-02-2016
Соӊку аракети:
21-12-2018 21:19
Жынысы:
Белгисиз
-1
Мен деле катышсам болмок экен. Женишти мен утмакмын
11.12.2016. 02:16 
Тайпасы:
Жаран
Комментарийлердин саны:
117
Катталган:
20-09-2014
Соӊку аракети:
17-02-2020 23:26
Жынысы:
Белгисиз
+1
Орункул абдан сулуу кыз! Бах!
11.12.2016. 13:58 
Тайпасы:
Кыймылы жок
Комментарийлердин саны:
19
Катталган:
08-11-2016
Соӊку аракети:
05-04-2018 07:48
Жынысы:
Белгисиз
Калаасы:
Г.Ош
-1
концерти да жуктоп койсонор
11.12.2016. 14:58 
Тайпасы:
Кыймылы жок
Комментарийлердин саны:
28
Катталган:
01-11-2011
Соӊку аракети:
23-05-2019 16:28
Жынысы:
Белгисиз
Калаасы:
бишкек
-2
Алтынай татыктуу болчу. Алтынайдан башка сулуу кыз коргон жокмун.
11.12.2016. 19:13 
Тайпасы:
Жаран
Комментарийлердин саны:
283
Катталган:
27-08-2016
Соӊку аракети:
10-02-2020 17:45
Жынысы:
Белгисиз
0
Концерти качан чыгат?
12.12.2016. 12:07 
Тайпасы:
Супермодератор
Комментарийлердин саны:
881
Катталган:
19-11-2013
Соӊку аракети:
18-02-2020 09:52
Жынысы:
Белгисиз
-1
Alixan-Nookat.2015, такталбаган маалыматты жазуудан алыс болуӊуз. Оозеки эскертүү!
12.12.2016. 12:07 
Тайпасы:
Супермодератор
Комментарийлердин саны:
881
Катталган:
19-11-2013
Соӊку аракети:
18-02-2020 09:52
Жынысы:
Белгисиз
-1
elya...., кимдир-бирөөнү мазактоого жол берилбейт.
12.12.2016. 12:16 
Тайпасы:
Супермодератор
Комментарийлердин саны:
881
Катталган:
19-11-2013
Соӊку аракети:
18-02-2020 09:52
Жынысы:
Белгисиз
-1
nuriwka, crazy.monya, Romantik., Peerisha, tapi4ka, vangolu, порталдын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий жана талкуу иретинде жазылган билдирүүлөрдү сайттын жетекчилиги өчүрүү менен кошо колдонуучуну порталдан четтетиши мүмкүн. Сын-пикирлер gazeta@super.kg же portal@super.kg электрондук даректерге жазылып жөнөтүлүшү керек.
12.12.2016. 14:03 
Тайпасы:
Кыймылы жок
Комментарийлердин саны:
27
Катталган:
05-12-2016
Соӊку аракети:
17-12-2017 18:35
Жынысы:
Белгисиз
Калаасы:
Бишкек шаары
-1
Бактыгүл татыксыз
13.12.2016. 11:38 
Тайпасы:
Кыймылы жок
Комментарийлердин саны:
10
Катталган:
01-06-2011
Соӊку аракети:
16-05-2018 16:06
Жынысы:
Белгисиз
-1
Ким татыктуу ким татыктуу эмес концертке келгендер гана айырмалай алышат го дейм.. Менин концертке барган туугандарым Бактыгулго анан Айзадага жан тартышыптыр. Ал эми Алтынайды таанышпайт экен. Ал кыз шоу-чойродо тааныштары коп болуп женем деп озуно ишенип алса керек да. Сахнадан деле озгочолоно албаптыр. Бул жакты бири-биринерди таанышчылык жайынар бар бироонун таламын талаша бербегиле.Мен ойлойм татыктуу эле кыздар женди деп. Мен Айзадага болеть этип жаттым.
Медиа-портал
13.12.2016. 17:39 
Тайпасы:
Жаран
Комментарийлердин саны:
108
Катталган:
19-04-2016
Соӊку аракети:
13-02-2020 22:51
Жынысы:
Белгисиз
-1
ушунчалык Мирбек Атабековту кутком, он Лучший из Лучших для меня и думала он обязательно будет с Лучшими почему его нет уважаемая администрация, его непригласили или он был занят или в отьезде?
Медиа-портал
13.12.2016. 17:52 
Тайпасы:
Кыймылы жок
Комментарийлердин саны:
273
Катталган:
22-11-2012
Соӊку аракети:
12-07-2019 11:45
Жынысы:
Белгисиз
-1
LadyB, ал Ошто концертте болдук окшойт го бошобой калса керек да.
Сонун концерт болуптур, дуэттер жакты.
Super TV
13.12.2016. 18:23 
Тайпасы:
Жаран
Комментарийлердин саны:
20
Катталган:
12-06-2016
Соӊку аракети:
18-02-2020 06:59
Жынысы:
Белгисиз
-1
Малазиялык ырчы Фарра Фаттах алып баруучу Кызжибек Раимовага аябай окшош экен...экоо случайно эже синди эмеспи☺
Медиа-портал
13.12.2016. 19:06 
Тайпасы:
Жаран
Комментарийлердин саны:
305
Катталган:
03-11-2012
Соӊку аракети:
27-10-2019 02:34
Жынысы:
Белгисиз
-1
Мирбек Атабековду куттум эле
Super TV
13.12.2016. 19:30 
Тайпасы:
Кыймылы жок
Комментарийлердин саны:
5
Катталган:
26-11-2014
Соӊку аракети:
19-08-2018 02:50
Жынысы:
Белгисиз
0
Толук версиясын кутобуз!
Super TV
13.12.2016. 20:36 
Тайпасы:
Жаран
Комментарийлердин саны:
11
Катталган:
25-03-2016
Соӊку аракети:
18-02-2020 00:48
Жынысы:
Белгисиз
-1
Айдана Дека озунчо эле зынк го!!! Бийлегени таш го
Super TV
14.12.2016. 00:52 
Тайпасы:
Кыймылы жок
Комментарийлердин саны:
123
Катталган:
25-12-2014
Соӊку аракети:
09-11-2017 11:02
Жынысы:
Белгисиз
0
Ээйт жаңы
Анжелика жүрөтгоо
Толук версиясы батыраак чыксынчы
Super TV
14.12.2016. 01:13 
Тайпасы:
Кыймылы жок
Комментарийлердин саны:
94
Катталган:
22-01-2011
Соӊку аракети:
15-06-2019 13:18
Жынысы:
Белгисиз
0
Ооооо сонун супер супер супер
Super TV
14.12.2016. 05:06 
Тайпасы:
Кыймылы жок
Комментарийлердин саны:
27
Катталган:
03-02-2014
Соӊку аракети:
26-09-2018 00:20
Жынысы:
Белгисиз
0
Чыдамсыздык менен кутобуз. Аябай жогорку денгээлде уюштурулганы корунуп турат. Майрамыныздар менен SUPER.KG порталы
Медиа-портал
24.12.2016. 00:15 
Тайпасы:
Кыймылы жок
Комментарийлердин саны:
17
Катталган:
07-05-2013
Соӊку аракети:
21-02-2018 09:30
Жынысы:
Белгисиз
Калаасы:
кыргызстан
0
Админ толук версиясы качан чыгат жооп берип койсонор боло
1
2
3
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
137596;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: