БШК: Кочкор районунун Көк-Жар айылындагы шайлоо тилкесинде эки урна иштебей калды

Кочкор районунун Көк-Жар айылындагы шайлоо тилкесинде эки урна иштебей калды. Бул тууралуу бүгүн, 11-декабрда Борбордук шайлоо комиссиясынын төрайымы Нуржан Шайлдабекова журналисттер менен жолукканда билдирди.

Анын айтымында, ал маселе атайын адистер тарабынан чечилип жатканын кошумчалады.

"Урналар боюнча маселелер болууда, бирок ал массалык эмес. Жер-жерлерде мобилдүү топтор иштеп жатышат", - деди Шайлдабекова.

Буга чейин SUPER.KG порталына Кочкор районунун тургуну кайрылып, №4144-шайлоо тилкесинде "компьютерлер бузулду" деген шылтоо менен ыплас шайлоо өтүп жатканын билдирген эле.

Автор: Бекжан Рыскулов