УКМК нааразы болгон депутаттарга жооп кайтарды

Бүгүн депутаттар ЖКнын дарбазасынан кирерде унаалар текшерилип жатканын айтып, нааразычылыктарын билдиришкен. Буга карата УКМК депутаттарга жооп кайтарды. "ЖКнын имаратынын алдында ар кандай митинг-пикеттер өткөрүлүп жаткандыгына байланыштуу коопсуздукту сактоо үчүн Ак үйгө өткөрүү пункттарында күчөтүлгөн текшерүү болот. Мындай процесс КРнын Мыйзамынын "Мамлекеттик күзөт жөнүндө" бөлүгүнүн 3 жана 12-беренелеринин негизинде жүргүзүлөт. Анда ар бир жарандын документтери, буюмдары текшерүүгө алынат. 2011-2012-жылдары депутаттар жана алардын жардамчылары өз алдынча атуучу заттарды алып келген учурлар болгон. Ал эми ЖКнын имараты снайпер менен кайтарылат деген маалымат чындыкка жатпайт" деп билдирет УКМК.

Автор: Айдай Асанбекова