Кайырчы Акылбек Исламов: "Бишкекке өтүк тигип иштөө үчүн келгем, жолум болбой, кайыр суроого өттүм"

Самарканд шаарынан Бишкекке өтүк тигип иштегени келген майып жигит кайыр сурап калды. Ал мындай абалга кантип туш болгонун SUPER.KG порталына айтып берди. "Самаркандда жашаймын. Жакындарымдан Бишкекте өтүк тигип иштесе жакшы акча табат деп уккан элем. Мындан улам Бишкекке келгениме 10 күн болду. Азыраак акча менен келгем. Бул жакта бут кийим тигип, оңдоо үчүн материалдар кымбат экен. Акчам жетпей калды. Кайыр сурап, кайра кетүүгө аргасызмын", - деп билдирди ал.

Акылбек Исламов Өзбек Республикасынын Самарканд облусунун тургуну. Ал учурда 32 жашта. 3 жыл мурда эки буту кыймылдабай, баспай калган. Ал азыр балдактын жардамы менен басып жүрөт. Анын 3 баласы бар. Улуусу 9 жашта, кичүүсү 1 айлык.

"29 жашымда атамдын кан басымы көтөрүлүп, оор абалга кабылды. Ал учурда атамды кучактап ыйлап отуруп калдым. Дарыгерлер келгенче кучагымда дүйнө салып кетти. Жакын адамымды жоготуу мага аябай катуу тийди. Өзүмдү кармана албай катуу ыйладым. Эсимди жоготуп, ооруканага алып барышыптыр. Дарыгерлердин айтымында, катуу коркуп калган экенмин. Нервиме доо кеткендиктен, эки бутум тең иштебей калды. Эми минтип 3 жылдан бери өз алдымча баса албай жүрөм. Дарыланууга каражат жок", - деп кошумчалады Исламов.

3 баласын багуу үчүн майып болсо да жер кыдырып, иш издеп жүргөн Акылбек "Ош базарынын" айланасындагы үйлөрдүн бирин ижарага алып жашап жатат. Ал күн сайын үйдүн ижара акысына 100 сом төлөйт. 5-10 миң сомго жакын акча тапса мекенине кайра кетерин айтты.

"Күн көтөрүлүп, сууктун мизи кайтканда адамдар көп өтчү жерге чыгып, муздак ташта отуруп кайыр сурайм. Эл арасында жакшы адамдар көп экен. Ары-бери өткөндөр тыйын таштап жатат. Айрым учурларда 300 сомдон 500 сомго чейин акча чогулуп калат. Эми жол кирем топтолуп калса, балдарыма таттуу, азык-түлүк алып кетем", - дейт кайыр сураган каарманыбыз.

Автор: Акназар Сулайманкулов
Фото: Акназар Сулайманкулов

12:26 13-12-2016

Жазылуу

РУБРИКАДАГЫ СОҢКУ КАБАРЛАР

20:47 2025-05-13 | Кылмыштар, кырсыктар

Ысык-Көлдө 18 жаштагы окуучу таежесинин үйүндө асынып алды 84 0

20:20 2025-05-13 | Коом жана турмуш

Ош шаарынын мэри Токторбаев орун басарларына жаңы унааларды тапшырды (видео) 368 0

20:03 2025-05-13 | Саясат

Депутат Сулайманов эки жетекчиден кызматтан кетер-кетпесин сурады (видео) 338 0

19:31 2025-05-13 | Коом жана турмуш

Ошто салынган эки деңгээлдүү көчө жарыктандырылды (видео) 463 0

19:18 2025-05-13 | Кылмыштар, кырсыктар

Ат-Башыда катуу шамал көп батирлүү үйдүн чатырын учуруп кетти 284 0

18:56 2025-05-13 | Саясат

Айбек Жунушалиев жетекчилерге бир катар тапшырмаларды берди 339 0

Архив

Комментарийлер (23)

vangolu

2016-12-13 13:14:54

эми бул байкуштун соткасы да жок да ээ.ош базардан тапсам керек.жардамымды аябайм

+11

omka100514

2016-12-13 13:43:18

Байкуш тиричилик деп келиптир эле да, эми эсен-аман кетип калса экен, бишкектик тургундар ушул макаланы окугандар жардам берип койгула колуңардан келишинче, борбордо болгонумда жардам бермекмин

+10

Nukeww

2016-12-13 14:18:25

Аллах женилдик берсин. амин. чындап эле шаар тургундары акча чогултуп оз мекенине кетип алышына жардам берип коюнуздарчы

aruuke0000

2016-12-13 14:28:01

Беш Сары ситинин Чуй кочосу жагында отурат экен да. Акчам болгондо жардам бербейт белем, себеби Кудайга жалынып убада бердим эле бутунан басалбай жургондорго жардамымды аябайм деп, пендечилик да азыр озум бастым бирок убадамды аткаралбай турам. Кызыма сутко деген акыркы 100сомум эле бар да.

+20

bakaiBBBB

2016-12-13 19:48:17

aruuke0000, Алла раазы болсун сиздей адамдар бар учун гана бул коом кармалып турат, сиздин созунуз мени да аябай жылытты чоон рахмат!

Djal1987

2016-12-13 20:03:50

Мен иштеген жерде цыгандар олло урулук кылышып кечинде пакет пакет продукты кылып таксиге отуруп кетишет эле... Алардын айыбын ачкан жокмун болгону озунорго сак болуп бышык болгула дегеним акчасын уурдаткан адамдардын кейпи эч элесимен кетпейт. Ишенич жок бул адамга. Жеткен наглый келишет жутайын деген тамагыны да жулайын деп турушат. Акылбек деп жазууну окуп кыргыз окшойт деп ойлопмун суротун коргондон кийин кумон пайда болду. Тооба жанылсам Кудай кечир.

abusait

2016-12-13 14:30:07

Ишенбейм. Булар жеткен калпычы жалкоо жалганчы келишет. Таякты да калп эле которуп алган. Самаркандда деле отукчу болуп иштесе болмокда. Тилемчиликти булар кесип кылып алган. Аты да акылбек имиш. Самаркандда кыргыз бар экенин эми окуп жатам. Кабарчынын кулагына жакшы эле кесмени илиптир. Паспортун сураш керек эле , ошондо билинмек ким экендиги.

-1

Nukeww

2016-12-13 14:39:57

ким болсо да жардам берсек Жараткан озу сообун аябастыр

Ulan2601

2016-12-13 14:57:39

Келгениме 10 кун болду дейби мен муну коргонумо адашбасам 3 ай болуп калды ошо жерде отурганына

Lu4ano

2016-12-13 17:38:35

Ulan2601,базааар жок ооба ошондой болуп калды

mekenchil_jigit

2016-12-13 18:21:50

Ulan2601,Ооба мен да мурда эле коргондоймун. Дагы билбедим

jasgul

2016-12-13 15:48:13

2009-2010-жылдарда Ош шаарындагы борбордук базарда эки озбек кыз майыптардын коляскасында отруп кайыр сурашат эле. Бир куну эрте менен Зайнабидиновадагы поликлиникадан чыгып базар жакка келе жатсам ошол эки кыз коляскаларын чымын куюн болуп туртуп, оздору аркасына жабышып алып жарышып келе жатканын коруп, келмем оозуман учкан. Акча табыш учун адамдардын ойлоп таппаганы жок да. Ошондон бери кайыр сураган адамдардын баары эле ошолорго окшоп олумуш болуп отургандай сезиле берет.

nuri.kg777

2016-12-13 15:48:32

Билбей туруп тигиндей мындай деген болбойтко туугандар, бир Озбек же Кыргыз жаман болсо баары кошулуп жаман болбойтко, бул да АЛЛАХтан келген сыноо, эч кимдин башына мындай нерсе келбесин, АЛЛАХ шыпаасын берип, айыгып кетсин.

Nurkyz1977

2016-12-13 18:09:35

Урматтуу супер инфонун журналистери ушул баланын чын эле баса албай турганын изилдеп коргулочу сураныч. Анткени жогоруда жазылган ар турдуу ой пикирлерге байланыштуу. Мен да ушул баланын майып экендигине ишенбей турам,билбей будомук ойлорду ойлоп жатабыз ошон учун пендебиз да,Жараткан Озу кечирсин.

KGstan1981

2016-12-13 19:25:47

Эээ кайдагы нерсении айтып жатасынар Ташкенте ошентип кыргыз жараны журо алабы экен сразу депорт этип жиберишет.Оштогу Достук чек ара таможниясына албарып озбекстандын чек арачыларына тапшырып жибериш керек пускай сами разберутся.

Ayida

2016-12-13 19:35:22

Тусуно караганда нор эле адам.Алдап атат бирок себеби баспай кыйналган адам бул жака келмек беле отук тиккени баш иштеш керек да. Уйу жок кайерде жашаймын деп келди.агент болушу мумкун озунчо.Бишкеке келип Озбек туугандар ээлеп алыптыр коп жерди Ош бутуп.Маршурткада тим эле Озбекстанда жургондой кыйкырышып суйлоп.Биздин Кыргыздар Озбекстанда Кыргызча к деп корсунчу не болоор экен

sultan89

2016-12-13 19:48:26

Ayida,100%кошулам кыргызга окшобойт
рожасы. агент болушу да мумкун чын еле ошто озбектер чон енесинин уйундо жургондой журот озбекстандагы кыргыздарды бирда кыргызча суйлотпойт....
айткандары
чын бодсо жардам беоп койсо жакшы болмок.

tyrgon

2016-12-13 21:49:16

Депорт кылыш керек озубуздун инвалиттер жетишет!

Gulim_zamujem

2016-12-13 22:44:36

tyrgon,инвалиттер дебе!!!

Nestana95

2016-12-13 22:30:04

Мен да коргонумо 3 ай болду го байкени.....

nuriyaeljan

2016-12-14 08:49:01

Ээ туугандар супер инфо жамааты андай дебегиле бироо жыргаап жургону учун кайыр сурабайт! Пайгамбарыбыз сав айткан "Суранбагыла,сурангандарлан аянбагыла деп"

Комментарий калтыруу үчүн өз ысымыңыз менен кириңиз же каттоодон өтүңүз.