Бакыт Бакетаев: "Жогорку Кеңеште бардык маселелер талкууланып, калыс чечимдер кабыл алынууда"

“Элдин макул боло турган да, макул болбой турган маселелеринин бардыгы Жогорку Кеңештин кароосуна коюлуп, калыс чечимдер кабыл алынып жатат. Ошондуктан Жогорку Кеңешти саясаттын кайнап турган казанына салыштырар элем”,- дейт саясат талдоочу Бакыт Бакетаев “Парламент” радиосуна берген маегинде. Парламенттик системдин артыкчылыгы катары андагы айтылып жаткан ар бир пикирдин сөз эркиндигине таянгандыгы ачык эле көрүнүп тургандыгын белгиледи Бакетаев. 2010-жылдагы элдик революциядан кийинки парламенттеги жетишкендик – оппозициялык фракцияларга 2 тармактык комитетти жетектөө укугунун берилгендигин да айтты. Ошондой эле саясат талдоочун парламенттин табияты ар дайым ар кандай талаш-тартыштар менен коштоло тургандыгын кошумчалады.

Автор: Ширин Жумадилова