Бишкекте абалына мышык ыйлачу Саадаев, Орозбеков көчөлөрү айдоочулардын айласын кетирди (фоторепортаж)

Орозбеков көчөсү

Айдоочу Мирлан Нурдинов

Жол жээгине ташталган таштанды

Таксист Кадырбек Дүйшөналиев

Саадаев көчөсү

Бишкек шаарынын Свердлов районуна караштуу Орозбеков жана Саадаев көчөлөрүнүн абалы айдоочуларга ыңгайсыздык жаратууда. Орозбеков көчөсүнүн Жибек-Жолу көчөсүнөн баштап Төмөнкү Ала-Арча айылына чейинки 2,5 чакырым аралыгында абал оор. Жергиликтүү жашоочулар бийлик өкүлдөрүнө кыжырдануусун билдирип, 10 жылдан бери оңдоо иштери боло электигин айтышты.

"Мен ушул аймакта жашап, 15 жылдан бери такси кызматында иштеймин. Мен билгенден Орозбеков, Саадаев көчөлөрү акыркы 10 жылдан ашуун убакыттан бери оңдоло элек. Жыл сайын 50 метр жерге асфальт төшөсө да жол курулуп бүтөт эле. Жок дегенде чуңкурларды жамап койгон жок. Элди ойлогон жетекчи калбады", - деп билдирди таксист Кадырбек Дүйшөналиев.

Бул жолдордон жол тандап айдоого да мүмкүн болбой калган абалда экенин байкоо кыйын эмес. Ансыз да абалы начар жолдорго жашоочулар өз алдынча таш төгүп салганын көрүүгө болот. Ал тургай бир топ убакыттан бери таштандылар алынбай жатат.

"Жолду оңдобосо болбой калды. Мында жашаган ар бир адамдын жашоо-тиричилиги жолго байланыштуу. Мен 4 жылдан бери жүк ташып иштеймин. Тапкан акчам унааны оңдоого кетип жатат. Оор жүк менен аңга түшсөң унаанын тетиктери сынып, алмаштырууга туура келүүдө. Маселени эртерээк чечпесе, эл кыйналып кетти. 2 күндөн бери жол четинде топтолгон таштанды жатат. Алып койгон эч ким жок", - дейт айдоочу Мирлан Нурдинов.

Маалыматка ылайык, Бишкек шаардык мэриясынын Капиталдык курулуш башкармалыгынын башчысынын орун басары Абдыжапаркул Жанболотов: "Кытай Бишкек шаарындагы 49 көчөнү оңдоого 478 миллион юань (4 миллиард 780 миллион сом) өлчөмүндө грант бөлүп берген. Оңдолуучу көчөлөрдүн тизмесине Орозбеков көчөсү да кирген", - деп айткан.

Эске салсак, 28-ноябрда окурман "Элдик кабарга" Орозбеков көчөсүнүн ылдый тарабынын абалы мышык ыйлагыдай болуп турганын билдирген.

Автор: Акназар Сулайманкулов
Фото: Акназар Сулайманкулов

17:39 14-12-2016

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 1361 0

17:26 2025-05-07 | Саясат

Садыр Жапаров Москвадагы Жеңиш парадына катышат 1532 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 2479 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1592 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1602 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1929 0

Архив

Комментарийлер (3)

Revolyutsiya

2016-12-14 17:45:36

Кытайдын оозун карабай, кочмондор оюнун откоруунун ордуна мектеп салып, жолду ондосонор болбойт беле, кочмондор оюнунун шылтоосу менен акча топтоп суунун эки бетине хан сарай салгыча!!! Жайды жайлата ийнеликчесинен ырдап шапар тепкиче ушундай койгойлорду ойлонсо болбойт беле, олкодо мындай ар турдуу койгойлор миндеп саналат, чечилген бири да корунбойт... Анан куру цифралар менен мактантып эле койсо бийликти, эшек сатар бийликти....

Revolyutsiya

2016-12-14 18:02:34

Атамбаевдин гулчотайлары минус басмактан ары отуп кетсин, Атамбаев кыргыздын шоруна жаралган а.... экен, жолуксам бетине эле айтат элем, которуп турган асманы болсо таштап жиберсин, Атамбаев Акаев менен Бакиевден да ашып тушту!!!

Nur1k

2016-12-14 19:13:40

Борборубуз ушундай болсо башка жагын ойлогондон коркуп атам

Комментарий калтыруу үчүн өз ысымыңыз менен кириңиз же каттоодон өтүңүз.