Каракол шаарында батирде өрт чыгып, үй ээси түтүнгө ууланды

Каракол шаарында батирде өрт чыгып, үй ээси түтүнгө ууланды. Бул тууралуу бүгүн, 15-декабрда Өзгөчө кырдаалдар министрлигинин басма сөз кызматы билдирди.

Маалыматка караганда, 15-декабрга караган түнү Восход кичи районундагы №15-үйдүн 43-батиринде өрт чыгып, 3 төшөк күйгөн. Анын кесепетинен үй ээси 1976-жылы туулган Бекболот Шаменов түтүнгө ууланган. Мындан улам ал "Тез жардам" кызматы аркылуу Каракол шаардык ооруканасына жеткирилген. Учурда абалы жакшы.

Өрттүн келип чыгышына тамеки тартуудагы этиятсыздык себеп болгон.

Автор: Бекжан Рыскулов