Депутаттар сапатсыз эттер боюнча бардык базарларды текшерүүнү сунушташты

Жогорку Кеңештин 22-декабрдагы жыйынында депутат Дастан Бекешев базарларды сапатсыз эттен тазалоо зарылдыгын айтты. Депутат базарда арам эттер сатылганы боюнча фактылар ачыкталганын эскертип, бул жагдайды териштирүү үчүн парламенттин тармактык комитетине тапшырма берүүнү өтүндү. Бекешев текшерүү Бишкек шаарындагы "Ош базары" менен эле чектелбей, бардык базарларды көзөмөлдөө керектигин айтат.

Жыйында башка депутаттар Кыргыз жеринде эшек союу иштери кайра күчөгөнүн айтышып, өкмөттү буга чара көрүүгө чакырышты.

Автор: Автандил Добулбеков