Машыктыруучу Канатбек Бегалиев спорт чиновниктерин "туура эмес саясат жүргүзүп жатышат" деп айыптады

Грек-рим күрөшү боюнча улуттук курамдын машыктыруучусу Канатбек Бегалиев учурда спорт чиновниктери машыктыруучуларды ак жеринен каралап жатышканын айтты. "Бээжин-2008" Олимпиадасынын күмүш медалынын ээси аларды курулай айыптоодон алыс болууга чакырды.

Маселе Жаштар иштери, дене тарбия жана спорт мамлекеттик агенттигинин акыркы 2 коллегиясында айтылган сөздөргө байланыштуу. Аталган агенттиктин жетекчилери чет жерде өткөн мелдештерге башкы машыктыруучулар эмес, жардамчылар барып жатканын сындашкан. Буга катар жетекчилер басылмалардын бирине берген маекте Канатбек Бегалиевдин бильярд боюнча мелдештерге катышып жатканын айтып, өз жумушуна да көңүл бурууга чакырышкан.

"Биз 1 олимпиадалык цикл - 4 жылды артта калтырдык. Бул аралыкта Азия чемпиондугунда алтын медаль алдык, көптөгөн эл аралык мелдештерде байге алдык. "Рио-2016" Олимпиадасында медаль ала алган жокпуз. Бирок грек-рим күрөшүнөн Арсен Эралиев 5-орунду ээлеп, спорттун башка түрлөрү боюнча катышкан спортчуларга караганда жакшы жыйынтык көрсөттү. Мен балдарга Жаңы жылга карата 10 күндүк тыныгуу бергем. Ошол себептүү мени сындоонун кереги жок. "Балдарды карабайт экен" деген кеп чындыкка коошпойт, себеби балбандар дайыма менин көзөмөлүмдө. Кааласам бильярд ойнойм, кааласам теннис ойнойм да, кааласам ырдайм. Бул менин жеке ишим", - дейт машыктыруучу.

К.Бегалиев буга катар спорттогу эмгектери үчүн айрымдар президенттин колунан сыйлык алганын айтты. Бирок ал сыйлык алгандардын тизмесинде болгон эмес. "2016-жылы балбандар жакшы жыйынтык көрсөтүштү. Калы Сулайманов жаштар арасында, Акжол Махмудов өспүрүмдөр арасында Дүйнө чемпиону аталышты. Калыбек Жолчубеков студенттер арасында Дүйнө чемпиону аталды, бирок машыктыруучу катары мен сыйлыкка көрсөтүлгөн жокмун. Мен буга нааразымын. Бул спорт чиновниктеринин адилетсиз иштеп жатканынан кабар берет", - деп кошумчалады Бегалиев.

Автор: Максат Кудайбердиев
Фото: Интернеттен алынды

19:36 25-12-2016

Жазылуу

РУБРИКАДАГЫ СОҢКУ КАБАРЛАР

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 399 0

17:56 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 912 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 532 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 840 0

16:06 2025-05-17 | Коом жана турмуш

Салыкчыларга ата мекендик унаалар тапшырылды 517 0

15:20 2025-05-17 | Саясат

Садыр Жапаров Касым-Жомарт Токаевди туулган күнү менен куттуктады 390 0

Архив

Комментарийлер (8)

Ilimbek1

2016-12-25 20:12:36

Эркек

ofiser26

2016-12-25 21:40:27

Прогипке ыргыт да анда.

batkendik.18

2016-12-25 21:46:39

Красавчик братан дагыда кобуроок айтсан анан тушунсо керек чиновниктер.Коптогон алтын медаль насип кылсын балдарына аллахым

malywKG

2016-12-25 21:56:52

Тура айтат!!! чиновниктер оздорунун ишин кылсын бироого акыл уйротпой

futboler

2016-12-26 01:19:23

ИТ уро берет кербен журо берет, сен аларга конул бурба, ата энемдин эн жакшы коргон спортчусу, твдан чыккан сайын оз уулу чыккандай суйунушот. Ийгилик каалайм, дагы дагы коптогон жеништерге жетише бер, эл сыймыктанган чемпиондорду тарбияла.

malik.kadyr

2016-12-26 03:32:29

Канат байке ийгилик..Аллахым сизге куч-кубат берсин!

Bars88

2016-12-26 09:07:52

Не суткасына 24саат иштеш керекпи.Ар ким озу билетда бош убактысын кантип откорушту.Чиновниктер оздору кунуго сауналабай иштешсин жакшылап

tilek-x

2016-12-26 15:49:20

Калп эле капа боло берет экенда К. Бегалиев дагы балбандардын аты жонун фамилиасын туура айтпаптырго даже Калыбек Сулайманов Жалал-Абадда тренировка кылат,сборго гана барат анда да колго анын тренери Алтын деген агай ошонун салымы чон жаштар арасында дуйно чемпион болушуна.
Ал эми Акжол Сулайманов эмес Махмудов анын фамилиасы ошто тренировка кылат так что без обид брат но мы тебя уважаем!!!!

-1

Комментарий калтыруу үчүн өз ысымыңыз менен кириңиз же каттоодон өтүңүз.