Бишкекте Жаңы жыл алдында үй-жайсыз адамдар камкордукка алынды

Бишкек шаарынын 1-Май районунда Жаңы жыл алдында үй-жайсыз адамдар камкордукка алынды. Бул тууралуу бүгүн, 28-декабрда Бишкек шаардык мэриясынын басма сөз кызматынан билдиришти.

Маалыматка ылайык, кайрымдуулук акциясына 1-Май райондук мамлекеттик администрациясы, райондук тартип сакчылары, медицина кызматкерлери катышкан.

"Майрам алдында уюштурулган акцияда 110 адамга ар түрдүү жардамдар көрсөтүлгөн. Үй-жайсыз адамдар медициналык кароодон өтүп, ооруп жүргөндөр дарылануу үчүн жиберилген. Ошондой эле укуктук жана психологиялык кеңештер, ысык тамак берилип, жылуу кийимдер таратылды", - деп билдиришти басма сөз кызматынан.

Автор: Акназар Сулайманкулов
Фото: Бишкек шаардык мэриянын<br>басма сөз кызматы