Кыргыз жергесиндеги Кытай элчилиги виза берүү үчүн жумасына 75 документ гана карап жатат

Үстүбүздөгү жылдын 30-августунда Бишкектеги Кытай Эл Республикасынын элчилигинде болгон жардыруудан кийин Кытай тарап кыргыз жарандарына виза берүүнү токтоткон. Бир нече сүйлөшүүлөр өткөн соң Кытай элчилиги 29-ноябрдан тарта убактылуу чектелүү түрдө иштей баштаган.

"Кытай тарап документтерди кабыл алууда убактылуу чектөө койгон. Бүгүнкү күндө күнүнө 25 жарандын документтери кабыл алынат, жумасына 3 күн кабыл алуу күнүн киргизишкен. Жыйынтыгында бир жумада 75 документ каралып жатат", - деп билдирет Кыргыз Республикасынын Консулдук кызматынын департаменти.

Автор: Үмүт Абдраимова
Фото: Интернеттен алынды