Сооронбай Жээнбеков: "2017-жылы Евразиялык экономикалык биримдикке киргенибиздин алгачкы жемиштерин ала баштайбыз"

Кыргыз Республикасынын Премьер-министри Сооронбай Жээнбеков өлкө элин Жаңы жылы менен куттуктады. Куттуктоонун тексти:

"Кымбаттуу кыргыз жарандары! Урматтуу мекендештер!

Кыргыз Республикасынын Өкмөтүнүн атынан Жаңы жылыңыздар менен чын дилимден куттуктайм! Өтүп бараткан жылды узатып жатып аткарылган иштерге, окуяларга саресеп салсак, президентибиздин жарлыгы менен “Тарых жана маданият жылы” деп жарыяланган 2016-жыл көп жакшылыктардын, зор ийгиликтердин жылы болгонуна ынанабыз.

Негизги соода өнөктөш өлкөлөрдөгү экономикалык кыйынчылыктарга карабай быйыл Кыргыз мамлекетинин ички дүң продукциясы 3,5 пайызга өстү. 90дон ашык социалдык-маданий объектилер салынып, эксплуатацияга берилди. Жалпы узундугу 225 чакырым асфальт жолдор курулду. Аз камсыз болгон үй-бүлөлөргө берилчү жөлөк пулдардын өлчөмүн 15 пайызга, пенсиялардын көлөмүн 10 пайызга көбөйттүк. Муктаж жарандарыбызга төмөндөтүлгөн пайыз менен ипотекалык насыяларды берүү үчүн зарыл каражаттарды бөлүп бердик. Аткаруу бийлигинин натыйжалуулугун жогорулатыш үчүн министрликтер менен мекемелердин түзүмүн оптималдаштыруу ишин баштадык. Бири-бирин кайталаган функцияларды бириктирип, штаттарды кыскарттык. Бийлик өкүлдөрү элге жакын, алардын көзөмөлүндө болуш үчүн көпчүлүк мамлекеттик функцияларды райондун деңгээлине түшүрдүк. Кудайга шүгүр, көп иштер аткарылды. Элибиздин алдында жүзүбүз жарык болуп, жогоруда айтылган жыйынтыктарга жетиштик.

Урматтуу мекендештер! Кыргыз өкмөтү элдин жашоо-турмушун жакшыртууну, коомдук-саясий туруктуулукту сактоону жана экономикалык өнүгүүнү камсыз кылууну 2017-жылдагы өзүнүн башкы милдеттери катары белгилейт. Кудай буюрса, бул максаттарды ийгиликтүү ишке ашырабыз. Келерки жылы Евразиялык экономикалык биримдикке киргенибиздин алгачкы жемиштерин ала баштайбыз, анткени тиешелүү мыйзамдык база толугу менен түзүлдү. Зарыл болгон мамлекеттер аралык макулдашууларга жетиштик. Ветеринардык жана фитосанитардык лабораторияларды, чек ара постторун куруу иштери кызуу жүрүп жатат. Экспортту колдонуу үчүн зарыл иш-чаралар аткарылды. 2017-жыл Евразиялык экономикалык биримдиктин алкагында алгачкы натыйжаларга жетүүнүн мезгили болот”.

Премьер-министр Сооронбай Жээнбековдун жаңы жылдык куттуктоосу

Автор: Нургазы Аматов

22:51 31-12-2016

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 455 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 317 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 236 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 336 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 868 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 418 0

Архив

Комментарийлер (10)

Revolyutsiya

2017-01-01 01:01:07

Эгер Жээнбековдун артта калган 2016-жылга болгон баасы канааттандыраарлык болсо, демек 2017-жылы да эч нерсени кыйратпайт... Экономика министри 25 жылдан бери ИДП (Ички дун продукты) осту дейт, анда неге экономиканын онолгону байкалбайт? Эмнеге ар жылы тышка чыгып жаткан мигранттарыбыздын саны артууда?!! Экономика осуп жаны жумуш орундары тузулсо мигранттарыбыздын саны азаюсу керек эле го. Же Жээнбеков уялбай инфляциядан кийин перерасчет кылып экономика осуптур деп жатабы?!!

+12

Sharos3

2017-01-01 02:53:51

Revolyutsiya,
Revolyutsiya деп кайсы жерден корбойун дайым
олуттуу маселени жазасын. Кошулам айтканына
Молодец!

Rifle_I

2017-01-01 09:22:16

Жылда ушундай калат сөздөрдү угабыз. Баары уялбай айта берет , өтүк өнүктүк деп. Анда неге дагы эле карыз алып жатабыз ? Казакстандан да алып жатабыз го ? Уят эмеспт элди алдай берген ?
Электр энергиянын акчасы эмнеге кымбат сатылып жатканын айталбай жатасыңар го ?
Тарыхтын жепжутарлары болдуңар го.

Revolyutsiya

2017-01-01 01:06:05

Жолду болсо баягы эле тышкы карыздын эсебинен куруп жатасынар, сапаты укмуш тим эле, айрыкча Манас аэропортуна кеткен жолду жанылапсынар, миллиарддар сапырып, эл "мактап" жатат. 90 обьекти курган имишсинер, кайсы 90 билбедим го, бирок мектеп курууга болунгон акчаларды кочмондор оюнуна жумшап чардап-сайрандап, ал эми тиги жакта суук, бугун-эртен урайын деген мектепте мугалимдер балдарга тарбия берип жатышат, баары ит корбогон кордукту коруп. Озунорду ошондой шартта иштетсе кана..

Revolyutsiya

2017-01-01 01:13:48

Тиги жакта Кулматов дегенинер кыргыз-Орус фондун озунун жеке менчигиндей башкарып жатат, айына 15000$дан маяна алып, миллион-миллиарддардын бир болугун долбоорлорго берип, басымдуу болугун Максим Бакиевге окшотуп рынокто айлантып. Андан ай сайын миллиондоп доллар киреше калса, аны бийликтин эн чокусунда тургандар менен ортодо "болушуп жейт" да. Айтор, Акаев, Бакиев кетти, бирок алар чыйыр салган коррупциялык системалар бугун да иштоодо, аларды "иштеткен" бугунку бийлик!!!

aibars

2017-01-01 01:26:04

Наалыбачы!!! Ушугада шугур, эн негизкиси Мекенибизде тынчтык болсун! Кадырман Элибиздин алтын баштары аман болсун!

-11

edik.toloikon

2017-01-01 01:35:56

Жаңы жылда сиздин жүрөгүңүзгө жылуулук, сөзүңүзгө накталык, жолуңузга шыдырлык, жан дүйнөңүзгө бакыт, көңүлүңүзгө кең пейилдик, дартыңыз болгон болсо шыпаа, турукттуу махабат берсин жараткан Аллах.
Ар бир баскан кадамыңыздан гүл ачылып, өмүрүңүздөн нур чачылып, ууртуңуздан күлкү жадырап, жакындарыңыз менен болгон мамилеңизден сый-урмат кетпесин! Кудайым сиздин ар бир агарып аткан таңыңызга бакыт-береке берсин! Баткан күнүңүздүн кызыгы менен ырысы көп болсун

Revolyutsiya

2017-01-01 01:37:19

edik.toloikon, бул сенин жалпы кыргыз элине болгон каалоонбу же Жээнбековго болгон каалоонбу?!!

edik.toloikon

2017-01-01 01:39:47

Revolyutsiya, ар бир кыргыз элине болгон каалом

Truelensk

2017-01-01 03:15:21

Жемиштер посттон ары отпосо анан алабызда озубуз.озубуздон башка ким алмак эле.союзга киргиле бирок жемишинерди озунор эле жегиле деди го ачык эле бетке айтты го.

Комментарий калтыруу үчүн өз ысымыңыз менен кириңиз же каттоодон өтүңүз.