Жалал-Абаддан Бишкекке баңгизат ташыган адам кармалды

24-апрелде ИИМдин Баңгизаттарды мыйзамсыз айлантууга каршы күрөшүү кызматы Жалал-Абад облусунан Бишкек шаарына баңгизатты ташыган деп шектелген адамды кармашты. Министрликтин басма сөз кызматы билдиргендей, борбор шаардан 40 жаштагы адам шектүү катары кармалып, тинтүү учурунда андан 2 килограмм 800 грамм гашиш табылган. Тергөөнүн жүрүшүндө кармалган адам «АКОС» коррупцияга каршы коомдук уюмунун жетекчисинин жардамчысы экени аныкталды. Колго түшкөн жаран убактылуу кармоочу жайга киргизилип, кылмыш иши козголгону айтылды. Күнөөсү далилденсе, сот бул адамды 4-8 жылга эркинен ажыратышы мүмкүн.

Автор: Мээрим Жеңишбек кызы