ЖЫЛНААМА, 6-ЯНВАРЬ: Кыргыз өлкөсүнүн экс-премьер-министри Жантөрө Сатыбалдиев 61 жашка толду

Бүгүн, 6-январда мамлекеттик ишмер, Кыргыз өлкөсүнүн
экс-премьер-министри Жантөрө Сатыбалдиев 61 жашка толду.

Ал 1956-жылы Ош облусунун Өзгөн районуна караштуу Мырзаке айылында туулган. 1979-жылы Фрунзе политехникалык институтун бүтүргөн. Эмгек жолун Алай жол-курулуш башмармалыгында мастер, прораб болуп иштөөдөн баштаган.

1980-1985-жылдары - Өзгөн жол-курулуш башмармалыгында мастер, прораб, башкарма;

1985-1992-жылдары - “Түштүк жолтранскурулуш” трестинин башкы инженери, башкаруучусу;

1992-1996-жылдары - Кыргыз Республикасынын Транспорт министринин биринчи орун басары;

1996-1997-жылдары - Бишкек-Ош автожолун реконструкциялоо жана эксплуатациялоо боюнча башкы дирекциянын башкы директору;

1997-1998-жылдары - Кыргыз Республикасынын Транспорт жана байланыш министри;

1998-2000-жылдары - Кыргыз Республикасынын Транспорт жана коммуникациялар министри;

2000-2001-жылдары - Ош шаарынын мамлекеттик администрациясынын башчысы;

2001-2003-жылдары - Ош шаарынын мэри;

2003-2004-жылдары - КР Президентинин электр-энергетикалык коопсуздук боюнча атайын өкүлү;

2005-2006-жылдары - Кыргыз Республикасынын Жогорку Кеңешинин депутаты;

2006-2007-жылдары - Ош облусунун мамлекеттик администрация башчысы - губернатор, президенттин түштүк регион боюнча өкүлү;

2010-2011-жылдары - КРнын Вице-премьер-министри - Ош жана Жалал-Абад шаарларын калыбына келтирүү жана өнүктүрүү боюнча мамлекеттик дирекциянын башкы директору;

2011-2012-жылдары - Кыргыз Республикасынын Президентинин аппарат жетекчиси;

2012-жылдын 6-сентябрынан 2014-жылдын 25-мартына чейин Кыргыз Республикасынын Премьер-министри болуп иштеген.

6-январга карата жылнаама.

Автор: Саадат Токтоболот кызы