Нарын. ВИЧ/СПИД оорусу менен ооругандардын саны былтыркыга караганда көбөйдү

Бүгүн Нарын шаардык мэриясында облустук СПИД борборунун тегерек столу өттү. Чогулушка билим берүү тармагы, медицина тармагы жана мамлекеттик эмес уюмдардын өкүлдөрү катышты. Иш-чаранын жүрүшүндө атайын даярдалган видео-слайд көргөзүлүп, анонимдүу кабинет жөнүндө маалымат берилди. Былтыркы жылдын көрсөтмөсү менен облус боюнча ВИЧ/СПИД илдетине чалдыккандардын саны 38ди түзсө, быйыл 7ге көбөйүп, 45ти түзгөн. Эске сала кетсек, мындай илдеттерге чалдыккандардын саны 1-ноябрда алынган көрсөткүч менен республика боюнча 4532ге жеткен.

Автор: Гүлжан Асанкожоева