Базар-Коргон районунда 5 жаштагы баласын сабап өлтүргөн жаран 13 жылга соттолду

Базар-Коргон районунда 5 жаштагы баласын сабап өлтүргөн жаран 13 жылга соттолду. Бул тууралуу бүгүн, 10-январда Жогорку Соттун басма сөз кызматынан билдиришти.

Маалыматка караганда, окуя 2016-жылдын 16-февраль күнү Базар-Коргон айылында болгон. Анда 1987-жылы туулган Нодирбек Мурахмедов аттуу жаран 2011-жылы туулган баласын "тил албайсың" деп таяк менен башка эки жолу чапкан. Ошол эле күнү саат 20:00 чамасында кичинекей сыналгысын сындырып койгону үчүн да сабаган. Ал эми саат 23:00 чамасында уулун жуундуруп коюу максатында чакырганда, ал качып ички бөлмөгө кирип кеткен. Артынан кирип жашы жете элек алсыз абалда болгон баланы башы менен бир нече жолу жерди сүздүргөн. Алган жарааттан улам бала ошол жерден каза болгон.

2016-жылдын 9-сентябрында Базар-Коргон райондук соту Нодирбек Мурахмедовду Кылмыш-жаза кодексинин "байкабастыктан өлүмгө дуушар кылуу" беренеси менен күнөөлүү деп таап, 3 жылга шарттуу эркинен ажыраткан. Ошондой эле 2 жыл сынак мөөнөтү белгиленген.

Ал эми биринчи инстанциядагы соттун аталган өкүмүнө апелляциялык тартипте сунуш Жалал-Абад облустук сотуна келтирилген.

Облустук сот иштин материалдарын изилдеп, апелляциялык сунуш менен каршы пикирдин жүйөлөрүн талкуулап, соттолуучунун, жабырлануучунун, күбөнүн көрсөтмөлөрүн, соттолуучунун акыркы сөзүн угуп, 2016-жылдын 30-ноябрындагы өкүмү менен Базар-Коргон райондук сотунун 2016-жылдын 9-сентябрындагы өкүмү өзгөртүлүп, Нодирбек Мурахмедов Кыргыз Республикасынын Кылмыш-жаза кодексинин "күнөөкөр үчүн алсыз абалда экендиги белгилүү болгон адамды же жашы жетпеген өспүрүмдү өлтүрүү" беренеси менен күнөөлүү деп табылып, 13 жылга эркиндигинен ажыратылган. Жазасын күчөтүлгөн тартиптеги түзөтүү абагында өтөй турганы белгиленген.

Автор: Бекжан Рыскулов

14:53 10-01-2017

Жазылуу

РУБРИКАДАГЫ СОҢКУ КАБАРЛАР

00:19 2025-06-24 | Түркүн дүйнө

Мирзиёевдин кызы президенттин администрациясын жетектемей болду 486 0

00:03 2025-06-24 | Түркүн дүйнө

The New York Times: Иран Катарга аба соккусу жөнүндө алдын ала эскерткен 768 0

23:45 2025-06-23 | Коом жана турмуш

24-июнга карата аба ырайы 231 0

23:24 2025-06-23 | Түркүн дүйнө

Иран АКШнын Катардагы аскердик базасына чабуул жасады (видео) 1560 0

23:08 2025-06-23 | Түркүн дүйнө

НАТО АКШнын Иранга жасаган чабуулу эл аралык укукту бузбаганын билдирди 791 0

22:36 2025-06-23 | Түркүн дүйнө

Укол сайышкан. Франциядагы фестивалда көрүүчүлөргө кол салуу болду(видео) 902 0

Архив

Комментарийлер (15)

Arslan12

2017-01-10 14:57:31

Жазасын алсын!

farhat84

2017-01-10 15:05:09

Кудаай сактасын

Musabaeva.

2017-01-10 15:08:58

Таш боор, омур бою эркинен ажыратыш керек.

tuigan.

2017-01-10 15:09:29

Ата болуш оной эле.аталык кылуу эн кыйын
Мээримин болбосо балага
Аталыгын бир тыйын.

+11

KUMKA

2017-01-10 15:13:33

аз го,кеминде 20 жыл,активистер болсо кол топтоо уюштуралы

wwwbaxa

2017-01-10 15:15:26

Кантип жашайт болду экен оз баласын олтуруп коюп...

Djal1987

2017-01-10 15:26:02

Байкуш бала адам чыдагыс соккуга чыдабай жан бергендир.

Manutd.kg

2017-01-10 15:30:48

palina

2017-01-10 16:38:42

Байкуш бейкуноо нарирте...

Tunerbei1812

2017-01-10 17:00:41

Душманына да каалабай турган иш экен. Бул байкабастык эмес. Ошондуктан баласына бейиш, атасына турмо анан тозок буйурсун. Башка соз болушу мумкун эмес.

Ayida

2017-01-11 00:01:35

Неге апасы жуундурбайт?Апасы айды карап атабы атасы уруп атса?же жокбу аялы

December24

2017-01-11 16:25:45

Мындайларды камап кереги жокко дейм,эл алдына алып чыгып майып кылып салыш керек менин оюм,ошондо билет адамдын кадырын.

kanyshai_2011

2017-01-12 21:27:28

ХХХ омур омур бойу турмодо чири .биоого кор бироого зар.байкуш бала .

admin_portal

2017-01-13 09:24:33

kanyshai_2011, этика нормаларын сактаңыз!

admin_portal

2017-01-13 09:26:26

more22, kaisarbek,
коомдук адепке туура келбеген жана провокациялык билдирүүлөрдү калтырууга тыюу салынган.

Комментарий калтыруу үчүн өз ысымыңыз менен кириңиз же каттоодон өтүңүз.