Авиакырсыктан жабыркагандарга гуманитардык жардам кабыл алуу 1-февралда токтотулуп, 11-февралдан баштап таратылат

Учурда токтоосуз чечимди талап кылган негизги милдеттердин бири кырсыктан жабыркагандарды турак жай менен камсыздоо жана алардын документтерин калыбына келтирүүгө көмөк көрсөтүү болуп саналарын биринчи вице-премьер-министр Мухаммедкалый Абылгазиев билдирди.

Маалыматка ылайык, Мамлекеттик каттоо кызматы, Билим берүү жана илим министрлиги кырсыктан жабыркаган жарандарга документтерин акысыз жана ыкчам тартипте алуусуна көмөк көрсөтүүгө милдеттенишет. Мындан тышкары Эмгек жана социалдык өнүктүрүү министрлигине тийиштүү социалдык төлөмдөрдү жана жөлөк пулдарды дайындоо боюнча тапшырма берилген.

"Өлкөдө болуп өткөн кырсык жалпыбызга бирдей, ошондуктан биз жабыркагандарды өз көйгөйү менен калтырып койбойбуз. Мамлекет бардык тийиштүү жардамды көрсөтөт, бул – биздин милдет. Учурда жабыркагандарды турак жай менен камсыздоо маселеси чечилгиче, алар үчүн убактылуу жашоочу жай изделүүдө. Анын бир варианты катары Манас айылы каралууда, анткени балдар өз мектептеринде билим алуусун үзгүлтүксүз улантышы керек", - деген М.Абылгазиев.

"Семетей" мейманканасында жайгашкан жабыркагандар аталган сунушту колдоого алып, ушул чечим алар үчүн ыңгайлуу болорун билдиришкен.

Мамлекеттик каттоо кызматынын жетекчиси Тайырбек Сарпашев маалымдагандай, ведомство кызматкерлери алгачкы күндөн тарта ар бир жабыркаган жарандын өздүгүн тактоо боюнча тийиштүү иштерди аткарууда жана бүгүнкү күнгө карата алардын көпчүлүгү өз паспортторун калыбына келтире алды.

Саламаттык сактоо министри Талантбек Батыралиев дарыгерлер жана психологдор тарабынан тийиштүү медициналык жардам көрсөтүү иши улантыларын билдирди.

Өзгөчө кырдаалдар министрлигинин пункттарына калктан келип жаткан гуманитардык жардамдар 2017-жылдын 1-февралында аяктайт, 11-февралдан тартып гуманитардык жардамдар каза болгондордун үй-бүлөлөрүнө жана жабыркагандарга бөлүштүрүлөт. Ачык жана калыс бөлүштүрүү процессине жабыркагандар өздөрү, аксакалдар, жаштар жана башка тараптар тартылары маалым болду.

Автор: Үмүт Абдраимова

12:35 30-01-2017

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 379 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 488 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 928 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 841 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 500 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2832 0

Архив

Комментарийлер (3)

elli_88

2017-01-30 16:29:22

Бугун мен иштеген мектеп ар Бир мугалимден 500 сомдон чогулткула деп талап коюп жатышат. Канча деген мектеп бар олкодо? Биз учун 500 сом коп. Анан дагы ошол акча жардамга кетпей эле чонтокко кететда. Айлыгыбыз да аз. Озубуз аран эптеп Бир айдан экинчи айга акчабызды болушунча уномдоп жеткиребиз. Жардам бергенге мумкунчулук жок болсо эмнеге кыйнашат

BakytAliev

2017-01-30 19:55:01

Жеп жутарларыбыз чонтокторуно салып алсын да анан дагы улантат жетишпей калган го кайда коротушту билбей

Bubu88

2017-01-31 00:16:25

Эң туура мугалимдердин айлыгы мышык ыйлаарлык жардам бергенге мүмкүнчүлүгу жокторду эмнеге кыйнайт, кыйратып 15 20 миңден айлык алса бир жөн. Минтип карапайым калкты жардам бер деп кыйнаганынар уят. Колунда болуп ашып атса беришмек силерди суратпай эле

Комментарий калтыруу үчүн өз ысымыңыз менен кириңиз же каттоодон өтүңүз.